ബീഫ് കഴിച്ചെന്ന് ഫേസ്ബുക്കില്‍ പോസ്റ്റിട്ടു; തമിഴ്‌നാട്ടില്‍ മുസ്‌ലിം യുവാവിന് മര്‍ദ്ദനം; നാലുപേര്‍ അറസ്റ്റില്‍
ഡൂള്‍ന്യൂസ് ഡെസ്‌ക്
Saturday, 13th July 2019, 9:24 am
ചെന്നൈ: ബീഫ് കഴിച്ചെന്ന് ഫേസ്ബുക്കില്‍ പോസ്റ്റിട്ട മുസ്‌ലിം യുവാവിന് മര്‍ദ്ദനം.നാഗപട്ടണം പൊറവച്ചേരി കീഴ്‌വേളൂര്‍ പെരുമാള്‍ കോവില്‍വീഥി മുഹമ്മദ് ഫൈസാന് (24) ആണ് മര്‍ദ്ദനത്തിനിരയായത്.
‘ആര് എന്തൊക്കെ പറഞ്ഞാലും ബീഫ് കറി ബീഫ് കറി തന്നെ’ എന്ന അടികുറിപ്പോടെ ഫൈസാന് ബീഫിന്റെ ചിത്രം പോസ്റ്ര് ചെയ്തിരുന്നു.
സംഭവത്തില്‍ നാലുപേരെ പൊലീസ് അറസ്റ്റ് ചെയ്തു. ഇതേപ്രദേശത്ത് താമസിക്കുന്ന എന്‍. ദിനേഷ്‌കുമാര്‍ (28), എ. ഗണേഷ്‌കുമാര്‍ (27), എം. മോഹന്‍കുമാര്‍ (28), ആര്. അഗസ്ത്യന്‍ (29) എന്നിവരെയാണ് പൊലീസ് അറസ്റ്റ് ചെയ്തത്.
