ആശങ്കയോടെ തമിഴ്‌നാട്; കൊവിഡ് രോഗികളുടെ എണ്ണം 1000 കടന്നു; ഇന്ന് രോഗം സ്ഥിരീകരിച്ചത് 106 പേര്‍ക്ക്
ഡൂള്‍ന്യൂസ് ഡെസ്‌ക്
Sunday, 12th April 2020, 6:18 pm
ചെന്നൈ: ആശങ്കയുണര്‍ത്തി തമിഴ്‌നാട്ടിലെ കൊവിഡ് രോഗികളുടെ എണ്ണം ആയിരം കടന്നു. ഇന്ന് പുതുതായി 106 പേര്‍ക്കാണ് രോഗം സ്ഥിരീകരിച്ചത്. ഇതോടെ തമിഴ്‌നാട്ടിലെ ആകെ രോഗികളുടെ എണ്ണം 1075 ആയി.
ഇന്ന് രോഗം സ്ഥിരീകരിച്ച 90 പേരും ഒരു ഉറവിടത്തില്‍ നിന്നാണെന്ന് തമിഴ്‌നാട് ഹെല്‍ത് സെക്രട്ടറി ബീല രാജേഷ് പറഞ്ഞു. സംസ്ഥാനത്തെ ആകെ രോഗികളില്‍ 971 കേസും ഒരേ ഉറവിടത്തില്‍ നിന്നാണ് എന്നും ബീല രാജേഷ് പറഞ്ഞു.
തമിഴ്‌നാട്ടില്‍ ഇതുവരെ 11 പേരാണ് കൊവിഡ് രോഗബാധയെ തുടര്‍ന്ന് മരണപ്പെട്ടത്. അതേസമയം രാജ്യത്ത് ആറ് ദിവസം കൂടുമ്പോള്‍ കൊവിഡ് 19 വൈറസ് ബാധിതരുടെ എണ്ണം ഇരട്ടിയാവുന്നെന്ന് കേന്ദ്ര ആരോഗ്യമന്ത്രാലയം ജോയിന്റ് സെക്രട്ടറി ലാവ് അഗര്‍വാള്‍ വ്യക്തമാക്കി.
