ചെന്നൈ: മുന്നാക്ക സംവരണ വിധി അംഗീകരിക്കാനാവില്ലെന്ന് തമിഴ്നാട് മുഖ്യമന്ത്രി എം.കെ. സ്റ്റാലിന്‍. വിധിക്കെതിരെ തമിഴ്നാട് സര്‍ക്കാര്‍ പുനപരിശോധനാ ഹരജി നല്‍കുമെന്നും അദ്ദേഹം അറിയിച്ചു. വിധിയുടെ പശ്ചാത്തലത്തില്‍ വിളിച്ചുചേര്‍ത്ത നിയമസഭാ കക്ഷി പ്രതിനിധികളുടെ യോഗത്തിന് ശേഷമായിരുന്നു എം.കെ. സ്റ്റാലിന്റെ പ്രതികരണം.
അതിനിടെ പാര്‍ലമെന്ററി പാര്‍ട്ടി പ്രതിനിധികളുടെ യോഗത്തില്‍ നിന്ന് ബി.ജെ.പിയും എ.ഐ.എഡി.എം.കെയും വിട്ടുനിന്നു. വിധിക്കെതിരെ ഡി.എം.കെ സഖ്യത്തിലെ ഓരോ ഘടകകക്ഷിയും പ്രത്യേകം ഹരജി നല്‍കാനാണ് തീരുമാനം. പുനപരിശോധനാ ഹരജി നല്‍കാനുള്ള പ്രമേയം പാര്‍ലമെന്ററി പാര്‍ട്ടി പ്രതിനിധികളുടെ യോഗം പാസാക്കി.
‘സാമൂഹിക നീതിക്കായി നൂറ്റാണ്ടുകളായി നടത്തിയ പോരാട്ടത്തിനേറ്റ തിരിച്ചടിയാണ് സാമ്പത്തിക സംവരണ വിധി. ഭരണഘടനാ ശില്‍പികളുടേയും രാഷ്ട്രശില്‍പികളുടേയും ആശയത്തിന് എതിരാണ് സാമ്പത്തിക സംവരണം.
ദ്രാവിഡ രാഷ്ട്രീയം പ്രത്യയശാസ്ത്രമായ എന്റെ സര്‍ക്കാരിന് സാമ്പത്തിക സംവരണ വിധി അംഗീകരിക്കാനാകില്ല. കഴിഞ്ഞ മുക്കാല്‍ നൂറ്റാണ്ട് കാലത്തെ സാമൂഹിക മുന്നേറ്റത്തിന് അടിസ്ഥാനം പിന്നാക്ക സംവരണം ആയിരുന്നു.
സാമ്പത്തിക സംവരണത്തിന് നിശ്ചയിക്കപ്പെട്ട മാനദണ്ഡങ്ങള്‍ അശാസ്ത്രീയമാണ്. എട്ട് ലക്ഷം വാര്‍ഷിക വരുമാനമുള്ളവര്‍ എങ്ങനെ പാവപ്പെട്ടവരാകും,’ സ്റ്റാലിന്‍ പറഞ്ഞു.
நூற்றாண்டுகளாக உரிமை மறுக்கப்பட்டதால் அடைந்த சமூகப் பின்னடைவையும், ஒரு நொடியில் மாறிடக்கூடிய பொருளாதாரத்தில் பின்தங்கிய நிலையையும் ஒன்றாகக் கருதும் #EWSQuota சமூகநீதிக்கு சம்மட்டி அடி. (1/3) pic.twitter.com/tJ1JJU1Pyj
— M.K.Stalin (@mkstalin) November 12, 2022
