തമിഴ് ഹാസ്യതാരം പാണ്ഡു കൊവിഡ് ബാധിച്ച് മരിച്ചു
ഡൂള്‍ന്യൂസ് ഡെസ്‌ക്
Thursday, 6th May 2021, 11:02 am
ചെന്നൈ: തമിഴിലെ പ്രശസ്ത ഹാസ്യതാരം പാണ്ഡു കൊവിഡ് ബാധിച്ച് മരിച്ചു. 74 വയസായിരുന്നു. കൊവിഡ് ബാധിച്ചതിനെ തുടര്‍ന്ന് പാണ്ഡുവും ഭാര്യയും സ്വകാര്യ ആശുപത്രിയില്‍ ചികിത്സയിലായിരുന്നു. പ്രഭു, പഞ്ചു, പിന്റു എന്നിവര്‍ മക്കളാണ്.
കൊവിഡിനെ തുടര്‍ന്ന് ഗുരുതരാവസ്ഥയിലായ പാണ്ഡു ഇന്ന് പുലര്‍ച്ചയോടെയാണ് അന്തരിച്ചത്. നൂറിലധികം സിനിമകളില്‍ വേഷമിട്ട പാണ്ഡു 2020 ല്‍ പുറത്തിറങ്ങിയ ‘ഇന്ത നിലൈ മാറും’ എന്ന സിനിമയിലാണ് അവസാനമായി അഭിനയിച്ചത്.
