കാവേരി തര്‍ക്കം; ബെംഗളൂരുവിലെ പ്രസ് മീറ്റില്‍ തമിഴ് നടന്‍ സിദ്ധാര്‍ത്ഥിനെ ഇറക്കിവിട്ടു
ഡൂള്‍ന്യൂസ് ഡെസ്‌ക്
Thursday, 28th September 2023, 7:41 pm
ബെംഗളൂരു: കാവേരി നദീജല തര്‍ക്കത്തില്‍ പശ്ചാത്തലത്തില്‍ തമിഴ് നടന്‍ സിദ്ധാര്‍ത്ഥിനെ കര്‍ണാടകയില്‍ വേദിയില്‍ നിന്ന് ഇറക്കിവിട്ടു. തമിഴ് ചിത്രമായ ‘ചിത്ത’യുടെ പ്രൊമോഷന്റെ ഭാഗമായി വ്യാഴാഴ്ച ബെംഗളൂരുവില്‍ വെച്ച് നടന്ന വാര്‍ത്താസമ്മേളനത്തിനിടെയായിരിന്നു സംഭവം.
വാര്‍ത്താസമ്മേളനത്തില്‍ സംസാരിക്കുന്ന നടനെ കന്നഡ അനുകൂല സംഘം തടസപ്പെടുത്തി. വാര്‍ത്താസമ്മേളനം നടന്ന ബെംഗളൂരുവിലെ എസ്.ആര്‍.വി തിയേറ്ററില്‍ അതിക്രമിച്ച് കയറിവന്ന സംഘം ഉടന്‍ പരിപാടി നിര്‍ത്തിവെക്കണമെന്ന് ആവശ്യപ്പെടുകയായിരുന്നു.
സംഘാടകര്‍ പ്രതിഷേധക്കാരെ അനുനയിപ്പിക്കാന്‍ ശ്രമിച്ചെങ്കിലും അവര്‍ വഴങ്ങിയില്ല. ഇതോടെയാണ് വാര്‍ത്താമ്മേളനം നടത്താതെ ഇറങ്ങിപോകാന്‍ സിദ്ധാര്‍ത്ഥ് നിര്‍ബന്ധിതനയാത്.
