വിജയിയുടെ സിനിമ ജീവിതത്തിലെ 50ാം ചിത്രമാണ് സുറ. 2010ല്‍ ഇറങ്ങിയ ഈ ചിത്രത്തിന്റെ സംവിധാനം നിര്‍വഹിച്ചത് എസ്.പി. രാജ്കുമാര്‍ ആണ്. തമന്ന നായികയായെത്തിയ ചിത്രത്തില്‍ ദേവ് ഗില്‍, ശ്രീമാന്‍, റിയാസ് ഖാന്‍, വടിവേലു, രാധ രവി തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിച്ചത്.
മണിശര്‍മയാണ് ചിത്രത്തിന് വേണ്ടി സംഗീതമൊരുക്കിയത്. സുറയിലെ പാട്ടുകളെല്ലാം സൂപ്പര്‍ഹിറ്റ് ആയിരുന്നെങ്കിലും ചിത്രം ബോക്‌സ് ഓഫീസില്‍ വന്‍ പരാജയം ഏറ്റുവാങ്ങുകയായിരുന്നു.
സുറ സിനിമയെ കുറിച്ച് സംസാരിക്കുകയാണ് ചിത്രത്തിലെ നായിക തമന്ന. ചിത്രത്തിലെ ഗാനങ്ങളെല്ലാം വലിയ രീതിയില്‍ ഹിറ്റായിരുന്നെന്നും എന്നാല്‍ ചില സീനുകളിലെ തന്റെ പ്രകടനം കൊള്ളില്ലായിരുന്നെന്നും നടി പറയുന്നു. താന്‍ ആ ചിത്രത്തില്‍ നടത്തിയത് വളരെ മോശം പ്രകടനമായിരുന്നെന്നും എന്നാല്‍ സിനിമയുടെ ഷൂട്ടിങ് സമയം മുതല്‍ തന്നെ ഇത് ശരിയായ രീതിയിലല്ല പോകുന്നതെന്ന് തനിക്ക് മനസിലായെന്നും തമന്ന കൂട്ടിച്ചേര്‍ത്തു.
ജീവിതത്തില്‍ എല്ലാം വിജയവും പരാജയവും മാത്രം മുന്‍ നിര്‍ത്തി മുന്നോട്ട് പോകാന്‍ കഴിയില്ലെന്നും ഒരു അഭിനേതാവ് എന്ന നിലയില്‍ ഒരിക്കല്‍ കമ്മിറ്റ് ചെയ്താല്‍ അത് പൂര്‍ത്തിയാക്കണമെന്നും താരം പറയുന്നു. ഒരു സിനിമയില്‍ ഒരുപാട് ആളുകളുടെ അധ്വാനവും സമയവും പണവും ഉണ്ടെന്നും അവര്‍ കൂട്ടിച്ചേര്‍ത്തു. ഗലാട്ട പ്ലസിന് നല്‍കിയ അഭിമുഖത്തില്‍ സംസാരിക്കുകയായിരുന്നു നടി.
‘സുറ സിനിമയിലെ ഗാനങ്ങളെല്ലാം വലിയ രീതിയില്‍ ഹിറ്റായിരുന്നു. പക്ഷെ ചില സീനുകളില്‍ എന്റെ പെര്‍ഫോമന്‍സ് കൊള്ളില്ലായിരുന്നു. ഞാന്‍ വളരെ മോശമായിരുന്നു. സുറയുടെ ഷൂട്ടിങ് നടക്കുമ്പോള്‍ തന്നെ അത് ശരിയായ രീതിയില്‍ അല്ല പോകുന്നതെന്ന് എനിക്ക് മനസിലായിരുന്നു.
നമ്മുക്കെല്ലാം വിജയങ്ങളെയും പരാജയങ്ങളെയും മുന്‍നിര്‍ത്തി മാത്രം മുന്നോട്ട് പോകാന്‍ കഴിയില്ല. ഒരു അഭിനേതാവ് എന്ന നിലയില്‍ ഒരിക്കല്‍ നമ്മള്‍ കമ്മിറ്റ് ചെയ്താല്‍ അത് പൂര്‍ത്തിയാക്കണം. കാരണം അതില്‍ ഒരുപാട് പേരുടെ സമയവും അധ്വാനവും പണവും ഉണ്ട്,’ തമന്ന പറയുന്നു.
Content Highlight: Tamannaah Bhatia Talks About Failure Of Sura Movie