അഫ്ഗാനിസ്ഥാനില്‍ താലിബാന്റെ ക്രൂരത; കുട്ടിയെ വധിച്ചതായി റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Tuesday, 28th September 2021, 11:07 am
കാബൂള്‍: അഫ്ഗാനിസ്ഥാനിലെ തഖര്‍ പ്രവിശ്യയില്‍ താലിബാന്റെ ക്രൂരത.
പിതാവ് അഫ്ഗാന്‍ പ്രതിരോധ സേനയുടെ ഭാഗമാണെന്ന സംശയത്തെ തുടര്‍ന്ന് താലിബാന്‍ ഒരു കുട്ടിയെ ക്രൂരമായി വധിച്ചതായി റിപ്പോര്‍ട്ട്.
സ്വതന്ത്ര മാധ്യമമായ പഞ്ച്ഷീര്‍ ഒബ്‌സര്‍വര്‍ ആണ് വാര്‍ത്ത റിപ്പോര്‍ട്ട് ചെയ്യുന്നത്.
”പിതാവ് താലിബാനെതിരാണെന്ന സംശയത്തില്‍ തഖാന്‍ പ്രവിശ്യയില്‍ താലിബാന്‍ കുട്ടിയെ വധിച്ചു,” പഞ്ച്ഷീര്‍ ഒബ്‌സര്‍വര്‍ ട്വീറ്റ് ചെയ്തു.
വധശിക്ഷയും കഠിനമായ മറ്റ് ശിക്ഷകളും തങ്ങള്‍ തിരികെ കൊണ്ടുവരുമെന്ന് താലിബാന്റെ പ്രധാന നേതാവായ മുല്ലാ നൂറുദ്ദീന്‍ തുറാബി നേരത്തെ പറഞ്ഞിരുന്നു.
