സ്‌റ്റൈലിഷ് ആയി മുടിയും താടിയും വെട്ടേണ്ട, സലൂണില്‍ പാട്ട് വേണ്ട; ബാര്‍ബര്‍മാര്‍ക്ക് താലിബാന്റെ ' ഉപദേശം'
ഡൂള്‍ന്യൂസ് ഡെസ്‌ക്
Tuesday, 28th September 2021, 9:45 am
കാബൂള്‍: മുടിവെട്ടുന്നതിനും താടി വടിക്കുന്നതിനും വിലക്കേര്‍പ്പെടുത്തി താലിബാന്‍.
അഫ്ഗാനിസ്ഥാനിലെ ഹെല്‍മണ്ട് പ്രവിശ്യയിലെ ബാര്‍ബര്‍മാരോട് താലിബാന്‍ ഇക്കാര്യം അറിയിച്ചെന്നാണ് റിപ്പോര്‍ട്ട്.
” ദക്ഷിണ അഫ്ഗാനിസ്ഥാനിലെ ഹെല്‍മണ്ട് പ്രവിശ്യയില്‍ മുടിയും താടിയും സ്‌റ്റൈലിഷ് ആയി വെട്ടുന്നത് താലിബാന്‍ വിലക്കിയിരിക്കുന്നു,” താലിബാന്റെ കത്ത് ഉദ്ധരിച്ച് ഫ്രോണ്ടിയര്‍ പോസ്റ്റ് റിപ്പോര്‍ട്ട് ചെയ്യുന്നു. സലൂണുകളില്‍ പാട്ടുകളും നിരോധിച്ചിട്ടുണ്ട്.
ലഷ്‌കര്‍ ഗാഹിലെ പുരുഷന്മാരുടെ ഹെയര്‍ഡ്രെസിംഗ് സലൂണുകളുടെ പ്രതിനിധികളുമായി ഇസ്‌ലാമിക് ഓറിയന്റേഷന്‍ മന്ത്രാലയത്തിലെ ഉദ്യോഗസ്ഥര്‍ കൂടിക്കാഴ്ച നടത്തുകയും മുടിയും താടിയും സ്‌റ്റൈലിഷ് ആയി വെട്ടരുതെന്ന് ഉപദേശിച്ചതായുമാണ് റിപ്പോര്‍ട്ട്.
