ആദ്യ മത്സരത്തില്‍ കാനഡയെ പരാജയപ്പെടുത്തിയ അതേ ആത്മവിശ്വാസത്തില്‍ പാകിസ്ഥാനെതിരെയും വിജയമാവര്‍ത്തിക്കാനാണ് യു.എസ്.എ ഒരുങ്ങുന്നത്. അതേസമയം, ആദ്യ മത്സരത്തില്‍ വിജയിച്ച് വേള്‍ഡ് കപ്പ് ക്യാമ്പെയ്ന്‍ മികച്ച രീതിയില്‍ ആരംഭിക്കണമെന്ന കണക്കുകൂട്ടലിലാണ് പാകിസ്ഥാന്‍.
മത്സരത്തില്‍ ടോസ് നേടിയ യു.എസ്.എ നായകന്‍ മോനങ്ക് പട്ടേല്‍ എതിരാളികളെ ബാറ്റിങ്ങിനയച്ചു.
43 പന്തില്‍ 44 റണ്‍സ് നേടിയ നായകന്‍ ബാബര്‍ അസമാണ് പാകിസ്ഥാന്റെ ടോപ് സ്‌കോറര്‍. 25 പന്തില്‍ 40 റണ്‍സടിച്ച ഷദാബ് ഖാന്‍, 16 പന്തില്‍ 23 റണ്‍സ് നേടിയ ഷഹീന്‍ ഷാ അഫ്രിദി എന്നിവരാണ് പാകിസ്ഥാന്റെ മറ്റ് സ്‌കോറര്‍മാര്‍.
ടീമിന്റെ ടോപ് സ്‌കോറര്‍ ആയെങ്കിലും ഒരു മോശം റെക്കോഡാണ് പാക് നായകനെ തേടിയെത്തിയിരിക്കുന്നത്. അന്താരാഷ്ട്ര ടി-20യില്‍ ചുരുങ്ങിയത് 30 പന്ത് നേരിട്ട് ഏറ്റവുമധികം തവണ 110ല്‍ താഴെ സ്‌ട്രൈക്ക് റേറ്റില്‍ സ്‌കോര്‍ ചെയ്യുന്ന താരമെന്ന മോശം നേട്ടമാണ് ബാബര്‍ സ്വന്തമാക്കിയത്.
മുഹമ്മദ് റിസ്വാന്‍ (വിക്കറ്റ് കീപ്പര്‍), ബാബര്‍ അസം (ക്യാപ്റ്റന്‍), ഉസ്മാന്‍ ഖാന്‍, ഫഖര്‍ സമാന്‍, ഷദാബ് ഖാന്‍, അസം ഖാന്‍, ഇഫ്തിഖര്‍ അഹമ്മദ്, ഷഹീന്‍ അഫ്രിദി, നസീം ഷാ, മുഹമ്മദ് ആമിര്‍, ഹാരിസ് റൗഫ്.
