ആമേന് ശേഷം സ്വാതി റെഡ്ഢി വീണ്ടും മലയാളത്തിലേക്ക്. ഫഹദ് ഫാസില്‍ തന്നെയാണ് സ്വാതിയുടെ നായകനായി എത്തുന്നത്. നോര്‍ത്ത് 24 കാതം എന്ന ചിത്രത്തിലാണ് സ്വാതി ഫഹദിന്റെ നായികയാകുന്നത്.[]

നേരത്തേ ചിത്രത്തില്‍ ആന്‍ഡ്രിയ ജെറിമിയ നായികയാകുന്നുവെന്നാണ് വാര്‍ത്തകള്‍ വന്നിരുന്നത്. എന്നാല്‍ ആന്‍ഡ്രിയ ചിത്രത്തില്‍ നിന്ന് പിന്മാറുകയായിരുന്നു.

അനില്‍ രാധാകൃഷ്ണനാണ് ചിത്രം സംവിധാനം ചെയ്യുന്നത്. സ്വാതി ഇപ്പോള്‍ അഭിനയിച്ചുകൊണ്ടിരിക്കുന്ന തമിഴ് ചിത്രത്തിന് ശേഷം സിനിമയുടെ ഷൂട്ടിങ് ആരംഭിക്കും.

ചിത്രത്തിന് നല്‍കാന്‍ ഡേറ്റില്ലാത്തതിനാലാണ് ആന്‍ഡ്രിയ സിനിമയില്‍ നിന്ന് പിന്മാറിയതെന്നാണ് അറിയുന്നത്. കമല്‍ഹാസന്റെ വിശ്വരൂപം 2 ല്‍ അഭിനയിച്ചുകൊണ്ടിരിക്കുകയാണ് ആന്‍ഡ്രിയ ഇപ്പോള്‍.