കന്യാസ്ത്രീകള്‍ക്കെതിരെ വിവാദപരമാര്‍ശം നടത്തിയ എംഎല്‍എ പി.സി ജോര്‍ജിനെതിരെ പ്രതിഷേധമുയരുകയാണ്.കഴിഞ്ഞ ദിവസം റിപ്പബ്ലിക് ടിവിയും പി.സി ജോര്‍ജ് വിഷയം ചര്‍ച്ചയ്‌ക്കെടുത്തത് വാര്‍ത്തയായിരുന്നു.

പി.സി ജോര്‍ജിന്റെ അപകീര്‍ത്തികരമായ പ്രസ്താവന ഇപ്പോള്‍ ബോളിവുഡും ചര്‍ച്ചചെയ്യുകയാണ്. ഇത്തരം പ്രസ്താവന നടത്തിയ പി.സി ജോര്‍ജിനെ എന്തുകൊണ്ട് അറസ്റ്റ് ചെയ്യുന്നില്ലയെന്ന് ബോളിവുഡ് നടി രവീണ ടണ്ടന്‍ ചോദിച്ചിരുന്നു.

Absolutely shameful and disgusting!!!! Scum present across political spectrums and religious divides in India. Literally nauseating! https://t.co/zb8NkUaW5x

— Swara Bhasker (@ReallySwara) September 9, 2018

ALSO READ: നമ്മൾ അതിജീവിക്കും: ആഘോഷങ്ങളില്ലാതെ സ്‌കൂള്‍ കലോത്സവം നടത്താൻ തീരുമാനം

വീണ്ടും ജോര്‍ജിനെതിരെ രൂക്ഷവിമര്‍ശനവുമായി രംഗത്തെത്തിയിരിക്കുകയാണ് നടി സ്വര ഭാസ്‌കര്‍.

നാണംകെടുത്തുന്നതാണ് എം.എല്‍.എയുടെ വാക്കുകള്‍. ശരിക്കും അത് കേള്‍ക്കുമ്പോള്‍ ഛര്‍ദ്ദിക്കാനാണ് തോന്നുന്നത് എന്നാണ് സ്വര ഭാസ്‌കര്‍ ട്വീറ്റ് ചെയ്തത്.

അതേസമയം സ്വരയുടെ ട്വീറ്റിനെ പരിഹസിച്ച് സംവിധായകനായ വിവേക് അഗ്നിഹോത്രി രംഗത്തെത്തി. എവിടെ പ്ലക്കാര്‍ഡുകള്‍ എന്ന് ചോദിച്ച് മീ ടു പ്രോസ്റ്റ്റ്റിയൂട്ട് എന്ന ഹാഷ് ടാഗോടെയിരുന്നു വിവേകിന്റെ ട്വീറ്റ്.

എന്നാല്‍ വിവേകിന്റെ ട്വീറ്റിനെതിരെ വ്യാപക പ്രതിഷേധമാണ് ഉയര്‍ന്നുവന്നത്. ഇതേത്തുടര്‍ന്ന് ട്വിറ്റര്‍ തന്നെ ഈ പോസ്റ്റ് ഒഴിവാക്കുകയായിരുന്നു.