ഇത്രയും ഗതികെട്ടവന്‍ വേറെ കാണുമോ? എല്‍.ബി.ഡബ്ല്യൂവിന് റിവ്യൂ എടുത്തപ്പോള്‍ ബാറ്റില്‍ ക്ലിയര്‍ ടച്ച്, ക്യാച്ചില്‍ പുറത്തായി ബാറ്റര്‍
സ്പോര്‍ട്സ് ഡെസ്‌ക്
Thursday, 6th April 2023, 11:26 pm
ഐ.പി.എല്ലില്‍ റോയല്‍ ചലഞ്ചേഴ്‌സ് – കൊല്‍ക്കത്ത നൈറ്റ് റൈഡേഴ്‌സ് മത്സരത്തില്‍ കരണ്‍ ശര്‍മ പുറത്തായതാണ് ചര്‍ച്ചയാകുന്നത്. മത്സരത്തിന്റെ 15ാം ഓവറിലാണ് താരം പുറത്തായത്.
യുവതാരം സുയാഷ് ശര്‍മയെറിഞ്ഞ 15ാം ഓവറിലെ മൂന്നാം പന്തില്‍ കൊല്‍ക്കത്ത കരണ്‍ ശര്‍മക്കെതിരെ എല്‍.ബി.ഡബ്ല്യൂവിനായി അപ്പീല്‍ ചെയ്തിരുന്നു. എന്നാല്‍ ഓണ്‍ ഫീല്‍ഡ് അമ്പയര്‍ വിക്കറ്റ് അനുവദിക്കാത്തതോടെ ടീം റിവ്യൂ എടുക്കുകയായിരുന്നു.
ഡി.ആര്‍.എസില്‍ പന്ത് ബാറ്റില്‍ കൊള്ളുന്നതായയും അള്‍ട്രാ എഡ്ജില്‍ ക്ലിയര്‍ സ്‌പൈക്ക് ഉള്ളതായും കാണിച്ചിരുന്നു. എന്നാല്‍ സ്ലിപ്പില്‍ വെച്ച് ക്യാപ്റ്റന്‍ നിതീഷ് റാണ ക്യാച്ച് കൈപ്പിടിയിലൊതുക്കിയിരുന്നു.
