'ഇത്രയും കാലം ഞാന്‍ എന്റെ സ്വപ്‌നത്തില്‍ ജീവിക്കുകയായിരുന്നു'; പ്രൊഫഷണല്‍ ഫുട്‌ബോളില്‍ നിന്ന് വിരമിച്ച് സുശാന്ത് മാത്യു
ഡൂള്‍ന്യൂസ് ഡെസ്‌ക്
Monday, 11th November 2019, 11:52 pm
വയനാട്: 2015ല്‍ ചെന്നൈയിന്‍ എഫ്‌സിക്കെതിരെ കേരള ബ്ലാസ്റ്റേഴ്‌സിനുവേണ്ടി ഒരു സൂപ്പര്‍ ലോങ് റേഞ്ചര്‍ ഗോള്‍ നിങ്ങള്‍ ഓര്‍ക്കുന്നുണ്ടാവും. സൂപ്പര്‍ ലീഗ് ചരിത്രത്തിലെ തന്നെ ഏറ്റവും മികച്ച ഗോളുകളില്‍ ഒന്നെന്ന് പറയപ്പെടുന്ന ആ ഗോള്‍ നേടിയ മലയാളി താരം സുശാന്ത് മാത്യു പ്രൊഫഷണല്‍ ഫുട്‌ബോളില്‍ നിന്നും വിരമിക്കുകയാണ്. ഫേസ്ബുക്കിലൂടെയായിരുന്നു സുശാന്ത് വിരമിക്കുന്ന വിവരം പങ്കുവെച്ചത്.
പ്രൊഫഷണല്‍ ഫുട് ബോളിനോട് ‘ബൈ’ പറയേണ്ട സമയമായി എന്നു പറഞ്ഞ സുശാന്ത് ഫുട്‌ബോള്‍ തനിക്ക് വെറുമൊരു കളിയല്ലെന്നും ജീവിതവഴിയാണെന്നും പാഷനാണെന്നും ഫേസ്ബുക്കില്‍ കുറിച്ചു.
