ഇന്ത്യയുടെ സൗത്ത് ആഫ്രിക്കന്‍ പര്യടനം നംവംബര്‍ എട്ടിന് തുടങ്ങാനിരിക്കുകയാണ്. പരമ്പരയില്‍ നാല് ടി-20 മത്സരങ്ങളാണ് ഇന്ത്യയ്ക്ക് ഉള്ളത്. ഇതോടെ പരമ്പരയ്ക്കുള്ള ഇന്ത്യന്‍ സ്‌ക്വാഡില്‍ മലയാളി സൂപ്പര്‍ താരം സഞ്ജു സാംസണ്‍ അടക്കമുള്ള 15 അംഗങ്ങളെ തെരഞ്ഞെടുത്തിരുന്നു. ടി-20 ക്യാപ്റ്റന്‍ സൂര്യകുമാര്‍ യാദവിന്റെ നേതൃത്വത്തിലാണ് ഇന്ത്യ സൗത്ത് ആഫ്രിക്കയില്‍ ഇറങ്ങുന്നത്.
സൗത്ത് ആഫ്രിക്കയില്‍ മികച്ച പ്രകടനം പുറത്തെടുക്കാന്‍ സാധിച്ചാല്‍ സൂര്യക്ക് ഒരു തകര്‍പ്പന്‍ നേട്ടമാണ് സ്വന്തമാക്കാനുള്ളത്. ടി-20യില്‍ സൗത്ത് ആഫ്രിക്കയ്ക്ക് എതിരെ ഏറ്റവും കൂടുതല്‍ റണ്‍സ് നേടുന്ന ഇന്ത്യന്‍ താരമാകാനാണ് സൂര്യക്കുള്ള അവസരം. ഇതിനായി വെറും 84 റണ്‍സാണ് സൂര്യ നേടേണ്ടത്.
രോഹിത് ശര്‍മ- 429
വിരാട് കോഹ്‌ലി- 394
സൂര്യകുമാര്‍ യാദവ്- 346
സുരേഷ് റെയ്ന- 339
ശിഖര്‍ ധവാന്‍- 233
അന്താരാഷ്ട്ര തലത്തില്‍ ടി-20യില്‍ പ്രോട്ടിയാസിനെതിരെ ഏറ്റവും കൂടുതല്‍ റണ്‍സ് നേടുന്ന താരം ഇംഗ്ലണ്ടിന്റെ ജോണി ബെയര്സ്റ്റോ ആണ്. 507 റണ്‍സാണ് താരത്തിനുള്ളത്. എന്നാല്‍ ജോണിയെ മറികടക്കാനുള്ള അവസരവും പരമ്പരയില്‍ സൂര്യക്കുണ്ട്. ഇതിനായി 156 റണ്‍സാണ് താരത്തിന് വേണ്ടത്.
ജോണി ബെയര്സ്റ്റോ- 501
ജോസ് ബട്ട്ലര്‍- 498
ഡേവിഡ് വാര്‍ണര്‍- 471
രോഹിത് ശര്‍മ- 429
ഇന്ത്യന്‍ സ്‌ക്വാഡ്: സൂര്യകുമാര്‍ യാദവ് (ക്യാപ്റ്റന്‍), അഭിഷേക് ശര്‍മ, സഞ്ജു സാംസണ്‍ (വിക്കറ്റ് കീപ്പര്‍), റിങ്കു സിങ്, തിലക് വര്‍മ, ജിതേഷ് ശര്‍മ (വിക്കറ്റ് കീപ്പര്‍), ഹര്‍ദിക്ക് പാണ്ഡ്യ, അക്സര്‍ പട്ടേല്‍, രമണ്‍ദീപ് സിങ്, വരുണ്‍ ചക്രവര്‍ത്തി, രവി ബിഷ്ണോയി, അര്‍ഷ്ദീപ് സിങ്, വിജയ്കുമാര്‍ വൈശാഖ്, ആവേശ് ഖാന്‍, യാഷ് ദയാല്‍
ഒന്നാം ടി-20 ഐ – നവംബര്‍ 8 – ഡര്‍ബന്‍ (വേദി)
രണ്ടാം ടി-20 ഐ – നവംബര്‍ 10 – ഗ്കെബെര്‍ഹ
മൂന്നാം ടി-20 ഐ – നവംബര്‍ 13 – സെഞ്ചൂറിയന്‍
നാലാം ടി-20 ഐ – നവംബര്‍ 15 – ജോഹന്നാസ്ബര്‍ഗ്
Content Highlight: Suryakumar Yadav Need 156 For Double Record Against South Africa In T-20i