തമിഴ് സംസാരിക്കാത്ത ആളുകള്‍ എന്നെ അറിഞ്ഞത് ആ ബോളിവുഡ് നടനിലൂടെ: സൂര്യ
എന്റര്‍ടെയിന്‍മെന്റ് ഡെസ്‌ക്
Thursday, 2nd January 2025, 5:11 pm
തമിഴിലെ മികച്ച നടന്മാരില് ഒരാളാണ് സൂര്യ. നേര്‍ക്കു നേര്‍ എന്ന ചിത്രത്തിലൂടെ സിനിമാജീവിതം ആരംഭിച്ച സൂര്യ, ബാല സംവിധാനം ചെയ്ത നന്ദ എന്ന ചിത്രത്തിലുടെ കൂടുതല്‍ ശ്രദ്ധിക്കപ്പെട്ടു. ഇന്ന് ഇന്ത്യന്‍ സിനിമയിലെ എണ്ണംപറഞ്ഞ നടന്മാരില് ഒരാളാണ് അദ്ദേഹം. സൂരറൈ പോട്ര് എന്ന ചിത്രത്തിലെ അഭിനയത്തിന് മികച്ച നടനുള്ള ദേശീയ അവാര്‍ഡും സൂര്യയെ തേടിയെത്തി.
സൂര്യ നായകനായെത്തിയ ചിത്രമാണ് ഗജിനി. ഗജിനി എന്ന പേരില്‍ തന്നെയായിരുന്നു ഹിന്ദിയിലേക്ക് ചിത്രം. എത്തിയത്. 2003ല്‍ ഇറങ്ങിയ ഗജിനിയില്‍ നായകനായി സൂര്യ എത്തിയപ്പോള്‍ 2008ല്‍ പുറത്തിറങ്ങിയ ഗജിനി റീമേയ്ക്കില്‍ ആമിര്‍ ഖാനായിരുന്നു നായകന്‍. രണ്ട് ചിത്രങ്ങളിലും അസിനായിരുന്നു നായിക. ആമിര്‍ ഖാന്റെ കരിയറിലെ ആദ്യ 100 കോടി ചിത്രമായിരുന്നു ഗജിനി.
