ചെങ്കല്‍ചൂളയിലെ കുട്ടികളുടെ വൈറല്‍ ഡാന്‍സ് ഏറ്റെടുത്ത് നടന്‍ സൂര്യ. സൂര്യയുടെ പിറന്നാള്‍ ദിനത്തില്‍ ട്രിബ്യൂട്ട് ആയി കുട്ടികള്‍ ചെയ്ത ഡാന്‍സ് വീഡിയോയാണ് ഇഷ്ടപ്പെട്ടു എന്ന് പറഞ്ഞുകൊണ്ട് സൂര്യ ട്വിറ്ററില്‍ പങ്കുവെച്ചത്.
അയന്‍ എന്ന സൂര്യയുടെ സിനിമയിലെ ഗാനമാണ് ആന്‍ഡ്രോയ്ഡ് ഫോണില്‍ കുട്ടികള്‍ ചിത്രീകരിച്ചിരിക്കുന്നത്. യഥാര്‍ത്ഥ ഗാനത്തിലേതുപോലെത്തന്നെ ചിത്രീകരിച്ച വീഡിയോ സോഷ്യല്‍മീഡിയയില്‍ വൈറലായി മാറിയിരുന്നു. വീഡിയോ ഇറങ്ങിയതിന് ശേഷം നിരവധി പേരാണ് കുട്ടികളെ അഭിനന്ദിച്ചുകൊണ്ട് രംഗത്തുവന്നത്.
നേരത്തേ അയന്‍ സിനിമയിലെ ആക്ഷന്‍ രംഗങ്ങളുടെ സ്പൂഫ് വീഡിയോയും കുട്ടികള്‍ ചെയ്തിരുന്നു. അതും വലിയ രീതിയിലാണ് പ്രേക്ഷകര്‍ ഏറ്റെടുത്തിരുന്നത്.
തിരുവനന്തപുരത്തെ ചെങ്കല്‍ചൂളയിലെ സൂര്യ ആരാധകരായ കുട്ടികളാണിവര്‍.
കോടി കണക്കിന് രൂപയും സാങ്കേതിക വിദ്യയും ഉപയോഗിച്ച് ഷൂട്ട് ചെയ്ത രംഗങ്ങളാണ് കുട്ടികള്‍ ആന്‍ഡ്രോയ്ഡ് ഫോണില്‍ ഷൂട്ട് ചെയ്ത് വിസ്മയം തീര്‍ക്കുന്നത്.
Loved it !!! 👍🏽👍🏽👍🏽 https://t.co/qt3zqUtlCI
— Suriya Sivakumar (@Suriya_offl) July 25, 2021
