അടുത്തിടെ കണ്ട മലയാളസിനിമകളില്‍ തന്നെ അത്ഭുതപ്പെടുത്തിയ നടനെക്കുറിച്ച് സംസാരിക്കുകയാണ് സൂര്യ. ഏറ്റവും അവസാനം കണ്ട സിനിമ ആവേശമാണെന്നും ആ സിനിമയില്‍ ഫഹദിന്റെ പ്രകടനം അതിഗംഭീരമായിരുന്നെന്നും സൂര്യ പറഞ്ഞു. ഫഹദ് എന്ന നടന്‍ ഓരോ സിനിമയിലും വ്യത്യസ്തമായ അഭിനയം കാഴ്ചവെച്ച് പ്രേക്ഷകരെ അത്ഭുതപ്പെടുത്തിക്കൊണ്ടിരിക്കുകയാണെന്നും അങ്ങനെ ചെയ്യാന്‍ മിക്ക നടന്മാര്‍ക്കും സാധിക്കില്ലെന്നും സൂര്യ കൂട്ടിച്ചേര്‍ത്തു.
ആവേശം കണ്ടതിന് ശേഷം ഫഹദ് ഇതെല്ലാം എങ്ങനെയാണ് ചെയ്ത് ഫലിപ്പിച്ചതെന്ന് ആലോചിച്ചുവെന്നും ഓരോ സിനിമയിലും അയാള്‍ എന്താണ് ചെയ്യുന്നതെന്ന് ആര്‍ക്കും ഒരു പിടിയും കിട്ടില്ലെന്നും സൂര്യ പറഞ്ഞു. ഫഹദിനെപ്പോലെ നല്ല കഥകള്‍ തെരഞ്ഞെടുത്ത് ചെയ്യുന്നതില്‍ മമ്മൂട്ടിയും മുന്‍പന്തിയിലാണെന്നും സൂര്യ കൂട്ടിച്ചേര്‍ത്തു. കാതല്‍ അതിലെ ഒരു ഉദാഹരണം മാത്രമാണെന്നും അല്ലാതെയും വേറെ നല്ല സിനിമകള്‍ മമ്മൂട്ടി ചെയ്യാറുണ്ടെന്നും സൂര്യ പറഞ്ഞു.
തിയേറ്ററില്‍ സിനിമ കാണാന്‍ വരുന്ന ഓഡിയന്‍സിനെ എങ്ങനെ എന്റര്‍ടൈന്‍ ചെയ്യിക്കണമെന്ന് മമ്മൂട്ടിക്ക് നന്നായി അറിയാമെന്നും അത്തരം കഥകള്‍ അദ്ദേഹം സൂക്ഷ്മതയോടെ തെരഞ്ഞെടുക്കാറുണ്ടെന്നും സൂര്യ കൂട്ടിച്ചേര്‍ത്തു. അത്തരം സിനിമകള്‍ ചെയ്യുന്നതിലൂടെ ആക്ടര്‍ എന്ന നിലയില്‍ തന്നെയും അതോടൊപ്പം സിനിമാ ഇന്‍ഡസ്ട്രിയെയും പുഷ് ചെയ്യുകയാണെന്നും സൂര്യ പറഞ്ഞു. ഗോള്‍ഡ് എഫ്.എമ്മിനോട് സംസാരിക്കുകയായിരുന്നു സൂര്യ.
‘ഈയടുത്ത് ഞാന്‍ വളരെയധികം ആസ്വദിച്ച് കണ്ട സിനിമയാണ് ആവേശം. ഫഹദിന്റെ പെര്‍ഫോമന്‍സ് അതിഗംഭീരമെന്നേ പറയാനുള്ളൂ. ഫഹദ് എന്ന നടന്‍ ഓരോ സിനിമയിലും വ്യത്യസ്തമായ അഭിനയം കാഴ്ചവെച്ച് പ്രേക്ഷകരെ അത്ഭുതപ്പെടുത്തുകയാണ്. അങ്ങനെ ചെയ്യാന്‍ അധികം നടന്മാര്‍ക്കും കഴിയില്ല എന്നതാണ് സത്യം. ആവേശത്തില്‍ ഓരോ സീനും ഫഹദ് എങ്ങനെയാണ് ചെയ്ത് ഫലിപ്പിച്ചതെന്ന് ആലോചിക്കുകയാണ്. ഓരോ സിനിമയിലും അയാള്‍ എന്താണ് ചെയ്യാന്‍ പോകുന്നതെന്ന് പ്രേക്ഷകര്‍ക്ക് ഒരു പിടിയും കിട്ടില്ല.
ഫഹദിനെപ്പോലെ പറയേണ്ട മറ്റൊരു പേരാണ് മമ്മൂട്ടി സാറിന്റേത്. കാതല്‍ അതിന് ഒരു ഉദാഹരണം മാത്രമാണ്. അല്ലാതെയും അദ്ദേഹം നല്ല സിനിമകള്‍ സെലക്ട് ചെയ്യാറുണ്ട്. തിയേറ്ററില്‍ സിനിമ കാണാന്‍ വരുന്ന ഓഡിയന്‍സിനെ എങ്ങനെ എന്റര്‍ടൈന്‍ ചെയ്യിക്കണമെന്ന് അദ്ദേഹത്തിന് നന്നായി അറിയാം. അതോടൊപ്പം ഒരു ആക്ടര്‍ എന്ന നിലയില്‍ തന്നെയും അതിലൂടെ ഇന്‍ഡസ്ട്രിയെയും അദ്ദേഹം പുഷ് ചെയ്യുന്നുണ്ട്,’ സൂര്യ പറഞ്ഞു.
Content Highlight: Suriya praises Fahadh’s perfomance in Aavesham movie