ആശുപത്രിയിലാണെന്ന ബന്ധപ്പെട്ട വാര്‍ത്തകള്‍ തെറ്റ്; ഇപ്പോഴും ഷൂട്ടിലാണ്: സുരേഷ് ഗോപി
എന്റര്‍ടെയിന്‍മെന്റ് ഡെസ്‌ക്
Wednesday, 24th May 2023, 12:50 pm
താന്‍ ആശുപത്രിയിലാണെന്ന തരത്തില്‍ പുറത്ത് വന്ന വാര്‍ത്തകള്‍ തെറ്റെന്ന് സുരേഷ് ഗോപി. പൂര്‍ണ ആരോഗ്യവാനാണെന്നും ഗരുഡന്റെ ഷൂട്ടിങ് ലൊക്കേഷനിലാണെന്നും സുരേഷ് ഗോപി പറഞ്ഞു. സുഖ വിവരം അന്വേഷിച്ച് മെസേജ് അയച്ച എല്ലാവര്‍ക്കും നന്ദിയെന്നും ഫേസ്ബുക്കില്‍ പങ്കുവെച്ച പോസ്റ്റില്‍ സുരേഷ് ഗോപി പറഞ്ഞു.
‘ഞാന്‍ ആശുപത്രിയിലാണെന്ന തരത്തില്‍ പുറത്തുവന്ന വാര്‍ത്തകള്‍ തെറ്റാണ്. ദൈവകൃപയാല്‍ പൂര്‍ണ ആരോഗ്യവാനായിരിക്കുന്നു. ആലുവ യു.സി. കോളേജില്‍ ഗരുഡന്റെ ലൊക്കേഷനില്‍ ഷൂട്ടിലാണ്. ഒരിക്കല്‍ കൂടി സുഖവിവരങ്ങള്‍ അന്വേഷിച്ച് അയച്ച സന്ദേശങ്ങള്‍ക്കും ആശംസകള്‍ക്കും നന്ദി,’ സുരേഷ് ഗോപി പറഞ്ഞു.
