ലാവ്‌ലിന്‍ കേസ് വീണ്ടും പഴയ ബെഞ്ചിലേക്ക്; എന്‍.വി രമണയുടെ ബെഞ്ചിലേക്ക് തിരിച്ചയച്ചു
ഡൂള്‍ന്യൂസ് ഡെസ്‌ക്
Monday, 31st August 2020, 2:47 pm
ന്യൂദല്‍ഹി: ലാവലിന്‍ കേസ് വീണ്ടും പഴയ ബെഞ്ചിലേക്ക് മാറ്റി. ജസ്റ്റിസ് യു.യു ലളിതാണ് കേസ് പഴയ ബെഞ്ചിലേക്ക് തിരിച്ചയച്ചത്. കേസ് എന്‍.വി രമണയുടെ ബെഞ്ചില്‍ ലിസ്റ്റ് ചെയ്യാനായി മാറ്റിവെച്ചു.
ജസ്റ്റിസുമാരായ യു.യു ലളിത്, സരണ്‍ എന്നിവരടങ്ങിയ രണ്ടംഗ ബെഞ്ചായിരുന്നു കേസ് പരിഗണിക്കേണ്ടിയിരുന്നത്, പിണറായി വിജയന്‍, കെ.മോഹന ചന്ദ്രന്‍, എ.ഫ്രാന്‍സിസ് എന്നിവരെ കുറ്റവിമുക്തരാക്കിയ ഹൈക്കോടതി വിധി ചോദ്യം ചെയ്ത് സി.ബി.ഐയും ഹൈക്കോടതി വിധി വിവേചനപരമെന്ന് ചൂണ്ടിക്കാട്ടി പ്രതിപട്ടികയില്‍ തുടരുന്ന കസ്തൂരി രങ്കഅയ്യര്‍ ഉള്‍പ്പടെ മൂന്ന് പ്രതികളും നല്‍കിയ ഹരജികളാണ് സുപ്രീംകോടതിയിലുള്ളത്.
