ന്യൂദല്‍ഹി: സ്വവര്‍ഗ്ഗാനുരാഗം കുറ്റകരമാക്കുന്ന സെക്ഷന്‍ 377ല്‍ സുപ്രീം കോടതിയുടെ സുപ്രാധാന വിധി നാളെ. നാളെ രാവിലെ 10.30ക്ക് ചീഫ് ജസ്റ്റിസ് ദീപക് മിശ്ര വിധി പ്രസ്താവിക്കും.
ആഗസ്റ്റ് 7നാണ് കോടതി കേസില്‍ അവസാനമായി വാദം കേട്ടത്. വിധി പറയുന്ന തീയ്യതി നീട്ടി വയ്ക്കുകയായിരുന്നു. നാളത്തെ വിധി ഇന്ത്യയിലെ സ്വവര്‍ഗ്ഗാനുരാഗികളെ സംബന്ധിച്ച് നിര്‍ണ്ണായകമാണ്.
ജൂലൈ 10നാണ് കേസില്‍ വാദം കേള്‍ക്കാന്‍ കോടതി ആരംഭിച്ചത്. ഐ.ഐ.ടി അലുമിനി അടക്കം വിവിധ കക്ഷികള്‍ നല്‍കിയ പെറ്റിഷനാണ് ചീഫ് ജസ്റ്റിസ് ദീപക് മിശ്ര അധ്യക്ഷനായ അഞ്ചംഗ ബെഞ്ച് പരിഗണിച്ചത്.
കേസ് പരിഗണിക്കുമ്പോള്‍ സര്‍ക്കാരിന്റെ നിലപാട് കോടതി തേടിയിരുന്നെങ്കിലും, അനുയോജ്യമായ തീരുമാനം എടുക്കാനാവാതെ വിഷയം പൂര്‍ണ്ണമായും കോടതിയ്ക്ക് വിടാന്‍ തീരുമാനിക്കുകയായിരുന്നു കേന്ദ്ര സര്‍ക്കാര്‍.