അയോധ്യാ വിധിയില്‍ ഗുരുവായൂര്‍ ക്ഷേത്രത്തെ പരാമര്‍ശിച്ച് സുപ്രീം കോടതി
ഡൂള്‍ന്യൂസ് ഡെസ്‌ക്
Saturday, 9th November 2019, 4:11 pm
ന്യൂദല്‍ഹി: അയോധ്യാ ഭൂമി തര്‍ക്കകേസിലെ വിധിയില്‍ ഗുരുവായൂര്‍ ക്ഷേത്രത്തെക്കുറിച്ച് പരാമര്‍ശിച്ച് സുപ്രീം കോടതി ഭരണഘടനാ ബെഞ്ച്.
ക്ഷേത്രകാര്യങ്ങളില്‍ കോടതിക്ക് ഇടപെടാമോ എന്നും ക്ഷേത്രത്തെ നിയമവിധേയമായ ഒരു വ്യക്തിയായി കരുതാനാകുമോ എന്നുമുള്ള ചോദ്യത്തിനാണ് ഗുരുവായൂര്‍ ക്ഷേത്രവുമായി ബന്ധപ്പെട്ട 1993 ലെ കേസ് ഭരണഘടനാ ബെഞ്ച് പരാമര്‍ശിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഗുരുവായൂര്‍ ക്ഷേത്രത്തിലെ ക്രമക്കേടുകളുമായി ബന്ധപ്പെട്ട് ദേവസ്വം ബോര്‍ഡിനെതിരെ പൊതുപ്രവര്‍ത്തകന്‍ സി. കെ രാജന്‍ നല്‍കിയ കേസിലെ സുപ്രീം കോടതി വിധിയാണ് ഭരണഘടനാ ബെഞ്ച് ഉദ്ധരിച്ചത്.
ക്ഷേത്രത്തിന് സ്വന്തം ഭരണഘടനയും നടപടിക്രമവും ഉണ്ടെങ്കിലും ഹൈക്കോടതിക്കും സുപ്രീം കോടതിക്കും ഇടപെടാം എന്നായിരുന്നു 1993ല്‍ നല്‍കിയ കേസില്‍ സുപ്രീം കോടതി വിധിച്ചത്.
