ന്യൂദല്‍ഹി: ജമ്മുകശ്മീരില്‍ ജനജീവിതം സ്തംഭിച്ചതും അനധികൃതമായി പൗരന്മാരെ തടവില്‍വെച്ചതും സംബന്ധിച്ച് കേന്ദ്ര, സംസ്ഥാന സര്‍ക്കാരുകള്‍ ഇതുവരെ മറുപടി നല്‍കിയില്ലെന്ന് ചൂണ്ടിക്കാട്ടി സുപ്രീംകോടതി. തന്റെ ഭര്‍ത്താവിനെ തടവില്‍ വെച്ചതിനെതിരെ ആസിഫ മുബീന്‍ എന്ന സ്ത്രീ നല്‍കിയ ഹര്‍ജിയില്‍ മറുപടി നല്‍കാന്‍ കോടതി നേരത്തേ സര്‍ക്കാരുകളോട് ആവശ്യപ്പെട്ടിരുന്നു.
എന്തുകൊണ്ടാണ് ഇതുവരെ മറുപടി നല്‍കാത്തതെന്ന് കോടതി ചോദിച്ചപ്പോള്‍, അഞ്ച് മിനിറ്റിനുള്ളില്‍ നല്‍കാമെന്നായിരുന്നു കശ്മീര്‍ സര്‍ക്കാര്‍ അറിയിച്ചത്.
വിഷയത്തില്‍ മധ്യസ്ഥരുടെ ഇടപെടലുകളാണ് മറുപടി വൈകിക്കുന്നതെന്നായിരുന്നു സോളിസിറ്റര്‍ ജനറല്‍ തുഷാര്‍ മേത്ത കോടതിയെ അറിയിച്ചത്. താന്‍ മധ്യസ്ഥരാല്‍ ചുറ്റപ്പെട്ടിരിക്കുകയാണെന്നും അദ്ദേഹം പറഞ്ഞു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
കശ്മീരിലെ തടവുമായി ബന്ധപ്പെട്ട വിഷയത്തില്‍ കോടതി പുറത്തിറക്കിയ ഉത്തരവുകള്‍ അനുസരിച്ചില്ലെന്നു ചൂണ്ടിക്കാട്ടിയ കോടതി, ഞങ്ങളെ നിസ്സാരരായി കാണരുതെന്ന് കേന്ദ്രത്തെ ഓര്‍മ്മിപ്പിച്ചു.
