കോടതിയുടെ സമയം പാഴാക്കി; ഖുര്‍ആനിലെ ചിലഭാഗങ്ങള്‍ നീക്കണമെന്നാവശ്യപ്പെട്ട ഹരജി തള്ളി സുപ്രീംകോടതി, പരാതിക്കാരന് പിഴ
ഡൂള്‍ന്യൂസ് ഡെസ്‌ക്
Monday, 12th April 2021, 5:45 pm
ദല്‍ഹി: ഇസ്‌ലാം മതഗ്രന്ഥമായ ഖുര്‍ആനിലെ ചിലഭാഗങ്ങള്‍ നീക്കം ചെയ്യണമെന്നാവശ്യപ്പെട്ടുള്ള ഹരജി തള്ളി സുപ്രീംകോടതി. ഇതിനുപിന്നാലെ ഹരജിക്കാരനോട് 50000രൂപ പിഴയൊടുക്കാനും കോടതി ആവശ്യപ്പെട്ടു.
മറ്റ് മതവിശ്വാസികള്‍ക്കെതിരെ പ്രകോപിപ്പിക്കുന്ന തരത്തിലും അക്രമവാസനയുണ്ടാക്കുന്നതരത്തിലുമുള്ള ഖുര്‍ആനിലെ 26 ഭാഗങ്ങള്‍ ഒഴിവാക്കണമെന്നാവശ്യപ്പെട്ടായിരുന്നു ഹരജി. ഷിയ വഖഫ് ബോര്‍ഡ് ചെയര്‍മാന്‍ വസീം റിസ്‌വിയാണ് ഹരജി നല്‍കിയത്.
