ഞായറാഴ്ച ലീഗ് വണ്ണില്‍ നടന്ന മത്സരത്തില്‍ തകര്‍പ്പന്‍ ജയവുമായി പാരീസ് സെന്റ് ഷെര്‍മാങ്. ട്രോയ്‌സിനെതിരെ നടന്ന പോരാട്ടത്തില്‍ മൂന്നിനെതിരെ നാല് ഗോളുകളാണ് പി.എസ്.ജി നേടിയത്.
സൂപ്പര്‍ താരങ്ങളായ ലയണല്‍ മെസി, നെയ്മര്‍ ജൂനിയര്‍, കിലിയന്‍ എംബാപ്പെ എന്നിവര്‍ ഓരോ ഗോളുകള്‍ നേടി. സ്പാനിഷ് താരം സോളറിന്റേതാണ് നാലാമത്തെ ഗോള്‍.
Les Parisiens font encore le show face à Troyes !#PSGESTAC
— Paris Saint-Germain (@PSG_inside) October 29, 2022
ട്രോയ്‌സിന് വേണ്ടി മാമ ബാള്‍ഡെ രണ്ട് തവണ വലകുലുക്കിയപ്പോള്‍ 24ാം മിനിട്ടില്‍ നെയ്മറിന്റെ അസിസ്റ്റിലൂടെ സോളര്‍ പി.എസ്.ജിക്കായി ആദ്യ ഗോള്‍ നേടി.
ഇതിനിടെ മെസിക്കും നെയ്മറിനും അവസരങ്ങള്‍ ലഭിച്ചെങ്കിലും പാഴായി പോവുകയായിരുന്നു.
55ാം മിനിട്ടില്‍ മെസിയുടെ ലോങ്ങര്‍ റേഞ്ചര്‍ ഷോട്ടിലൂടെ പി.എസ്.ജി ലീഡുയര്‍ത്തുകയായിരുന്നു. സെര്‍ജിയോ റാമോസിന്റെ അസിസ്റ്റാണ് ഗോളിന് വഴിയൊരുക്കിയത്.
70 goal contributions for PSG’s trio so far this season 🤯 pic.twitter.com/3pcr9Cz3mq
— B/R Football (@brfootball) October 29, 2022
