തണ്ണീര്‍ മത്തന്‍ ദിനങ്ങളില്‍ പ്രധാന വേഷത്തില്‍ എത്തിയ അനശ്വര രാജനും യുവതാരം അര്‍ജുന്‍ അശോകനുമാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. ശരണ്യയുടെ ജീവിതത്തിലുണ്ടാകുന്ന സംഭവവികാസങ്ങളാണ് ചിത്രത്തിന്റെ പ്രമേയം.
താമശയ്‌ക്കൊപ്പം കൗതുകം ഉണര്‍ത്തുന്നതുമാണ് പുറത്തിറങ്ങിയ ട്രെയ്‌ലര്‍. 2022 ജനുവരി 7 നാണ് ചിത്രം തിയേറ്ററുകളിലെത്തുന്നത്.
പെണ്‍കുട്ടികളുടെ ഹോസ്റ്റല്‍ ജീവിതവും കോളേജ് ജീവിതവും കൃത്യമായി വരച്ചു കാണിക്കുന്ന ചിത്രമാണ് സൂപ്പര്‍ ശരണ്യ എന്നാണ് ട്രെയ്‌ലര്‍ നല്‍കുന്ന സൂചന.
പ്രണയവും വിരഹവുമെല്ലാം ട്രെയ്‌ലറില്‍ വന്നുപോകുന്നുണ്ട്.
കഴിഞ്ഞ ദിവസം സിനിമയിലെ പാട്ട് അണിയറപ്രവര്‍ത്തകര്‍ പുറത്തുവിട്ടിരുന്നു. വളരെ ചുരുങ്ങിയ സമയംകൊണ്ട് തന്നെ പാട്ട് പ്രേക്ഷകര്‍ ഏറ്റെടുത്തിരുന്നു.
അനശ്വരയേയും അര്‍ജുന്‍ അശോകനേയും കൂടാതെ നസ്ലന്‍, മമത ബൈജു, സ്‌നേഹ ബാബു എന്നിവരും ചിത്രത്തില്‍ അഭിനയിക്കുന്നുണ്ട്
ചിത്രത്തിന്റെ രചനയും സംവിധാനവും ഗീരീഷ് തന്നെയാണ്. ഷെബിന്‍ ബക്കര്‍ പ്രൊഡക്ഷന്‍സിന്റെ ബാനറില്‍ ഷെബിന്‍ ബക്കര്‍ തന്നെയാണ് ചിത്രം നിര്‍മ്മിക്കുന്നത്.
ജസ്റ്റിന്‍ വര്‍ഗീസാണ് സംഗീത സംവിധാനം നിര്‍വ്വഹിക്കുന്നത്. സജിത്ത് പുരുഷനാണ് ചിത്രത്തിന്റെ ഛായാഗ്രഹണം ആകാശ് വര്‍ഗ്ഗീസാണ് എഡിറ്റിംഗ്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Gireesh AD after Thaneermathan days; Super Saranya trailer out