'ഇവിടം യുവാക്കള്‍ക്ക് സുരക്ഷിതമല്ലായി തീര്‍ന്നിരിക്കുന്നു'; ജെ.എന്‍.യു അക്രമസംഭവത്തില്‍ പ്രതികരണവുമായി സണ്ണി ലിയോണി
ഡൂള്‍ന്യൂസ് ഡെസ്‌ക്
Thursday, 9th January 2020, 6:01 pm
ന്യൂദല്‍ഹി: ജവഹര്‍ലാല്‍ നെഹ്‌റു കേന്ദ്ര സര്‍വകലാശാലയില്‍ വിദ്യാര്‍ത്ഥികള്‍ക്കെതിരെ നടന്ന ആക്രമണത്തില്‍ പ്രതിഷേധമറിയിച്ച് നടി സണ്ണി ലിയോണി രംഗത്ത്. ഇപ്പോള്‍ നടക്കുന്ന അക്രമസംഭവങ്ങള്‍ മൂലം യാവാക്കള്‍ക്ക് ഈ ലോകം സുരക്ഷിതമല്ലെന്ന അവസ്ഥയിലാണ് കാര്യങ്ങള്‍ എത്തി നില്‍ക്കുന്നതെന്ന് പറഞ്ഞ നടി ഈ അവസ്ഥ ഏറെ വേദനിപ്പിക്കുന്നതാണെന്നും പറഞ്ഞു.
‘അക്രമത്തിനിരയായവര്‍ മാത്രമല്ല അവരുടെ കുടുംബങ്ങള്‍ കൂടിയാണ് ഒപ്പം വേദനിക്കുന്നത്. ഇങ്ങിനെ പരസ്പരം ആക്രമിക്കുന്നത് നിര്‍ത്തണമെന്ന് ഞാന്‍ അപേക്ഷിക്കുകയാണ്. പരസ്പരം ആക്രമിക്കാതെ ഒരു പരിഹാരം കണ്ടെത്താന്‍ എല്ലാവരും ശ്രമിക്കണം.’ സണ്ണി ലിയോണ്‍ എ.എന്‍.ഐയോട് പറഞ്ഞു.
