എന്നാല്‍, ഐ.പി.എല്ലിന് ശേഷം ലീഗും ഫാഞ്ചൈസിയും മാറിയതോടെ നരെയ്ന്‍ പഴയ നരെയ്‌നായിരിക്കുകയാണ്. വിന്‍ഡീസ് ക്രിക്കറ്റിന്റെ സ്‌ഫോടനാത്മകമായ ക്രിക്കറ്റ് പുറത്തെടുക്കുന്ന സുനില്‍ നരെയ്‌നാണ് ടി-20 ബ്ലാസ്റ്റിലെ കാഴ്ച.
എണ്ണം പറഞ്ഞ ഷോട്ടുമായി കരീബിയന്‍ ക്രിക്കറ്റിന്റെ വശ്യത വ്യക്തമാക്കുന്ന സുനില്‍ നരെയ്‌നെയാണ് ഇംഗ്ലണ്ടിന്റെ മണ്ണില്‍ കാണുന്നത്.
ടി-20 ബ്ലാസ്റ്റില്‍ സറേയ്ക്ക് വേണ്ടി ആഞ്ഞടിക്കുന്ന നരെയ്‌നെയാണ് ക്രിക്കറ്റ് ലോകം കണ്ടത്. ഐ.പി.എല്ലിലെ മോശം ഫോമിന്റെ ലാഞ്ഛന പോലുമില്ലാതെയാണ് താരം ടി-20 ബ്ലാസ്റ്റില്‍ അടിച്ചുതകര്‍ക്കുന്നത്.
സറേ – ഹാംഷെയര്‍ മത്സരത്തിലായിരുന്നു നരെയ്ന്‍ തന്റെ വിശ്വരൂപം ഒരിക്കല്‍ക്കൂടി പുറത്തെടുത്തത്. 23 പന്തില്‍ നിന്നും 226.09 പ്രഹരശേഷിയില്‍ 52 റണ്‍സാണ് താരം അടിച്ചുകൂട്ടിയത്. അഞ്ച് ബൗണ്ടറിയും ആറ് സിക്‌സറും ഉള്‍പ്പെട്ടതായിരുന്നു നരെയ്‌ന്റെ ഇന്നിംഗ്‌സ്.
ഇന്ത്യന്‍ മണ്ണില്‍ മങ്ങുകയും ഇംഗ്ലീഷ് മണ്ണില്‍ തിളങ്ങുകയും ചെയ്യുന്ന നരെയ്ന്‍ ഓസ്‌ട്രേലിയന്‍ മണ്ണില്‍ ഇനി എന്ത് അത്ഭുതമാണ് ബാക്കിവെച്ചിരിക്കുന്നതെന്നാണ് ആരാധകര്‍ ഉറ്റുനോക്കുന്നത്.
Content Highlight: Sunil Naraine plays magnificent innings in England T20 Blast
