മുംബൈ: കൊല്‍ക്കത്തയ്‌ക്കെതിരായ മത്സരത്തില്‍ ബാറ്റിംഗ് ഓര്‍ഡറില്‍ നേരത്തെ ഇറങ്ങിയ ചെന്നൈ സൂപ്പര്‍ കിംഗ്‌സ് ക്യാപ്റ്റന്‍ മഹേന്ദ്ര സിംഗ് ധോണിയുടെ തീരുമാനം ശരിവെച്ച് ക്രിക്കറ്റ് ഇതിഹാസം സുനില്‍ ഗവാസ്‌കര്‍. മധ്യനിരയില്‍ ധോണി ഇറങ്ങുന്നത് ടീമിനും അദ്ദേഹത്തിനും ഒരുപോലെ ഗുണം ചെയ്യുമെന്ന് ഗവാസ്‌കര്‍ അഭിപ്രായപ്പെട്ടു.
ചെന്നൈയുടെ ആദ്യ മത്സരങ്ങളില്‍ ധോണി വാലറ്റത്ത് ഏഴാമതായിട്ടായിരുന്നു ഇറങ്ങിയിരുന്നത്. എന്നാല്‍ മെച്ചപ്പെട്ട ഇന്നിംഗ്‌സ് കാഴ്ചവെക്കാന്‍ ധോണിയ്ക്കായിരുന്നില്ല.
എന്നാല്‍ ചെന്നൈയുടെ രണ്ടാം മത്സരത്തില്‍ റണ്‍സൊന്നുമെടുക്കാതെയും പഞ്ചാബിനെതിരെ 17 പന്തില്‍ 18 റണ്‍സെടുത്തുമായിരുന്നു പുറത്തായത്. ഇത് വലിയ വിമര്‍ശനം നേരിട്ടിരുന്നു.
‘അത് സ്‌പെഷ്യലായ ഇന്നിംഗ്‌സാണ്. ഇന്ത്യ മുഴുവന്‍ അദ്ദേഹം ബാറ്റ് ചെയ്യുന്നത് ആസ്വദിക്കുന്നു. ബാറ്റിംഗിന് കൂടുതല്‍ അവസരം ലഭിച്ചാല്‍ നമുക്ക് അത് കാണാന്‍ സാധിക്കും. ഇനിയും ബൗണ്ടറികളും സിക്‌സുകളും വരാനുണ്ട്’, ഗവാസ്‌കര്‍ സ്റ്റാര്‍ സ്‌പോര്‍ട്‌സിനോട് പറഞ്ഞു.
