തമിഴ് സിനിമയിലെ ഏറ്റവും ഹൈപ്പുള്ള ഇനി വരാന്‍ പോകുന്ന ചിത്രമാണ് തഗ് ലൈഫ്. 37 വര്‍ഷത്തിന് ശേഷം മണിരത്‌നവും കമല്‍ ഹാസനും ഒന്നിക്കുന്ന ചിത്രമെന്ന പ്രത്യേകതയും തഗ് ലൈഫിനുണ്ട്. നായകനാണ് ഇരുവരും ഒന്നിച്ച അവസാന ചിത്രം. തഗ് ലൈഫിന് തിരക്കഥയൊരുക്കിയിരിക്കുന്നത് കമല്‍ ഹാസനാണ്. പത്ത് വര്‍ഷത്തിന് ശേഷമാണ് അദ്ദേഹം ഒരു സിനിമക്കായി തിരക്കഥയൊരുക്കുന്നത്. കമല്‍ ഹാസനെ കൂടാതെ ചിമ്പു, തൃഷ, ജോജു ജോര്‍ജ് തുടങ്ങി വലിയൊരു താരനിരതന്നെ ചിത്രത്തിനായി ഒന്നിക്കുന്നുണ്ട്.
തഗ് ലൈഫിനെ കുറിച്ച് സംസാരിക്കുകയാണ് സുഹാസിനി. ചിത്രത്തിലെ ഏറ്റവും വലിയ ഹൈലൈറ്റ് കമല്‍ ഹാസന്റെ പെര്‍ഫോമന്‍സാണെന്ന് താരം പറയുന്നു. ഓരോ സീനിലും കമല്‍ ഹാസന്‍ എന്തെങ്കിലും സ്‌പെഷ്യല്‍ ആയിട്ട് ചെയ്യുമെന്നും അങ്ങനെയാണ് ഇതുവരെയുള്ളത് കണ്ടപ്പോള്‍ തനിക്ക് തോന്നിയതെന്നും സുഹാസിനി കൂട്ടിച്ചേര്‍ത്തു.
ഒരു കഥ, സിനിമ എന്ന നിലയില്‍ എങ്ങനെയുണ്ടെന്ന് അഭിപ്രായം പറയേണ്ടത് പ്രേക്ഷകരാണെന്നും പക്ഷെ സിനിമയുടെ മേക്കിങ് ഇതുവരെ കണ്ടതില്‍ നിന്ന് കമല്‍ ഹാസന്റെ പെര്‍ഫോമന്‍സാണ് ചിത്രത്തിന്റെ ഹൈലൈറ്റെന്നും സുഹാസിനി പറയുന്നു. ദി ക്യൂ സ്റ്റുഡിയോയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു സുഹാസിനി.
‘തഗ് ലൈഫിലെ ഓരോ സീനും ഹൈലൈറ്റ് ചെയ്യുന്നത് കമല്‍ ഹാസന്റെ പെര്‍ഫോമന്‍സ് ആയിരിക്കും. ഓരോ സീനിലും അദ്ദേഹം ചെയ്തത് എന്തെങ്കിലും സ്‌പെഷ്യല്‍ ആയിട്ട് ഉണ്ടാകും. അങ്ങനെയാണ് ആ ചിത്രത്തിന്റെ ഇതുവരെ ഉള്ളത് കണ്ടപ്പോള്‍ എനിക്ക് തോന്നിയത്.
ഒരു കഥ, സിനിമ എന്ന നിലയില്‍ നിങ്ങള്‍ പ്രേക്ഷകരാണ് അത് കണ്ടിട്ട് പറയേണ്ടത്. പക്ഷെ മേക്കിങ്ങിന്റെ സമയത്തെല്ലാം ഞാന്‍ കണ്ടത് അതാണ്. സീനിന്റെ ഏതെങ്കിലും ഭാഗത്ത് അദ്ദേഹത്തിന്റെ വക സ്‌പെഷ്യലായിട്ട് എന്തെങ്കിലും ഉണ്ടാകും,’ സുഹാസിനി പറയുന്നു.
Content Highlight: Suhasini Manirathnam Talks About Kamal Hassan’s Performance In Thug Life Movie