സുഹൈല്‍ കൊണ്ടോട്ടി കേരള ബ്ലാസ്‌റ്റേഴ്‌സിലേക്ക്
സ്പോര്‍ട്സ് ഡെസ്‌ക്
Thursday, 8th March 2018, 4:57 pm
കേരള ബ്ലാസ്‌റ്റേഴ്‌സിലേക്ക് മറ്റൊരു മലയാളി താരം കൂടി. കൊണ്ടോട്ടി ഇ.എം.ഇ.എ കോളേജിലെ ഒന്നാം വര്‍ഷ ബി.കോം വിദ്യാര്‍ത്ഥിയായ സുഹൈലിനെ ഈ മാസം നടക്കുന്ന സെക്കന്‍ഡ് ഡിവിഷന്‍ ഐ ലീഗില്‍ കളിക്കുന്ന കേരള ബ്ലാസ്റ്റേഴ്‌സ് റിസേര്‍വ് ടീമിലേക്കാണ് തെരഞ്ഞെടുത്തിരിക്കുന്നത്.
നേരത്തെ കാലിക്കറ്റ് യൂണിവേഴ്‌സിറ്റി താരമായിരുന്ന സുഹൈല്‍ ഗോകുലം എഫ്.സിക്ക് വേണ്ടിയും ബൂട്ടണിഞ്ഞിട്ടുണ്ട്.
കേരള ബ്ലാസ്റ്റേര്‍സ് ഉള്‍പ്പടെ ഐ.എസ്.എല്ലിലെ ഭൂരിഭാഗം ടീമുകളുടെയും റിസര്‍വ്വ് ടീമുകള്‍ സെക്കന്‍ഡ് ഡിവിഷന്‍ ഐ ലീഗില്‍ കളിക്കുന്നുണ്ട്. ഐ.എസ്.എല്‍ അവസാനിച്ച ശേഷമാണ് ടൂര്‍ണമെന്റ് ആരംഭിക്കുക.