ബി.ജെ.പി ഔട്ട്; ദേശീയ നിര്‍വാഹക സമിതിയില്‍ നിന്ന് ഒഴിവാക്കിയതോടെ ട്വിറ്റര്‍ ബയോയില്‍ നിന്ന് ബി.ജെ.പി എടുത്തുമാറ്റി സുബ്രഹ്മണ്യന്‍ സ്വാമി
ഡൂള്‍ന്യൂസ് ഡെസ്‌ക്
Friday, 8th October 2021, 10:40 am
ന്യൂദല്‍ഹി: ദേശീയ നിര്‍വാഹക സമിതിയില്‍ നിന്ന് ഒഴിവാക്കിയതിന് പിന്നാലെ ട്വിറ്റര്‍ ബയോയില്‍ നിന്ന് ബി.ജെ.പി എടുത്തുമാറ്റി നേതാവ് സുബ്രഹ്മണ്യന്‍ സ്വാമി എം.പി.
രാജ്യസഭാ എം.പി, മുന്‍ കേന്ദ്ര മന്ത്രി, ഹാര്‍വാര്‍ഡ് സര്‍വ്വകലാശാലയില്‍ എക്കണമോണിക്സില്‍ പി.എച്ച്.ഡി, പ്രൊഫസര്‍ തുടങ്ങിയ വിശേഷണങ്ങള്‍ അദ്ദേഹം തന്റെ ബയോയില്‍ രേഖപ്പെടുത്തിയിട്ടുണ്ട്.
എന്നാല്‍ ബി.ജെ.പി എന്നത് എവിടേയും ഇല്ല.
വ്യാഴാഴ്ചയാണ് ദേശീയ നിര്‍വാഹക സമിതി പുനസംഘടിപ്പിച്ചത്. മനേകാ ഗാന്ധി, വരുണ്‍ ഗാന്ധി തുടങ്ങി പാര്‍ട്ടിയ്‌ക്കെതിരെ പരസ്യവിമര്‍ശനം നടത്തിയ പല നേതാക്കളേയും ദേശീയ നിര്‍വാഹക സമിതിയില്‍ നിന്നൊഴിവാക്കിയിട്ടുണ്ട്.
