ബി.ഡി.ജെ.എസ് മുന്നണി വിട്ടേക്കും എന്ന അഭ്യൂഹങ്ങളെ തള്ളി ബി.ഡി.ജെ.എസ് ജനറല്‍ സെക്രട്ടറി സുഭാഷ് വാസു. എന്‍.ഡി.എ മുന്നണിയില്‍ തന്നെ ഉറച്ചു നില്‍ക്കുമെന്ന് അദ്ദേഹം വ്യക്തമാക്കി. എന്നാല്‍ തുഷാര്‍ വെള്ളാപ്പള്ളി അരൂരില്‍ എന്ന് പ്രചരണത്തിനെത്തും എന്ന കാര്യത്തില്‍ വ്യക്തത ഇത് വരെ വന്നിട്ടില്ല.
ബി.ഡി.ജെ.എസിന്റെ വോട്ട് ചോദിക്കാന്‍ കമ്മ്യൂണിസ്റ്റുകാര്‍ക്ക് നാണമില്ലേ എന്ന് സുഭാഷ് വാസു എന്‍.ഡി.എ കണ്‍വെണ്‍ഷനില്‍ ചോദിച്ചു. അതിനു ശേഷം പുറത്തിറങ്ങിയപ്പോഴാണ് ബി.ഡി.ജെ.എസ് മുന്നണിയില്‍ നില്‍ക്കുമെന്ന് സുഭാഷ് വാസു പറഞ്ഞത്.
തുഷാര്‍ വെള്ളാപ്പള്ളി ഇന്ന് മുതല്‍ എന്‍.ഡി.എയ്ക്ക് വേണ്ടി പ്രചരണത്തിനിറങ്ങും. ആദ്യം എറണാകുളത്തും പിന്നെ രണ്ട് ദിവസം വട്ടിയൂര്‍ക്കാവിലും പ്രചരണം നടത്തും. അരൂരില്‍ പ്രചരണത്തിനെത്തുമോ എന്ന് വ്യക്തമായിട്ടില്ല.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ