ന്യൂദല്‍ഹി: നാഷണല്‍ സ്‌കൂള്‍ ഓഫ് ഡ്രാമയിലെ അധ്യാപകനെതിരെ ലൈംഗികാരോപണവുമായി വിദ്യാര്‍ഥിനി. പരീക്ഷ നടത്താനെത്തിയ ഗസ്റ്റ് അധ്യാപകനെതിരെയാണ് ആരോപണം.
ഗസ്റ്റ് അധ്യാപകനായി എത്തിയ 62കാരനനെതിരെയാണ് വിദ്യാര്‍ഥിനി പരാതി നല്‍കിയിരിക്കുന്നത്. ഈ മാസം ഒന്നാം തിയ്യതിയാണ് പെണ്‍കുട്ടി പൊലീസില്‍ പരാതി നല്‍കിയത്.
പരീക്ഷയുടെ ഭാഗമായി നാടകത്തിലെ ഒരു രംഗം അഭിനയിച്ചു കാണിക്കാന്‍ ആവശ്യപ്പെട്ട അധ്യാപകന്‍ അനുചിതമായ രീതിയില്‍ ശരീരത്തില്‍ സ്പര്‍ശിക്കുകയായിരുന്നു എന്നാണ് പെണ്‍കുട്ടി പരാതിയില്‍ പറഞ്ഞിരിക്കുന്നത്.
വിദ്യാര്‍ഥിനിയുടെ പരാതിയുടെ അടിസ്ഥാനത്തില്‍ അധ്യാപകനെതിരെ കേസെടുത്തു.