മുസ്‌ലിങ്ങള്‍ക്കെതിരെയുള്ള മണിപൂര്‍ സര്‍ക്കാരിന്റെ വിവേചനത്തെക്കുറിച്ചു ലേഖനമെഴുതിയ ജെ.എന്‍.യു വിദ്യാര്‍ത്ഥിയെ രാജ്യദ്രോഹം കുറ്റം ചുമത്തി അറസ്റ്റു ചെയ്തു
ഡൂള്‍ന്യൂസ് ഡെസ്‌ക്
Saturday, 11th April 2020, 1:03 pm
ഇംഫാല്‍: മുസ്‌ലിങ്ങളോടുള്ള മണിപൂര്‍ സര്‍ക്കാരിന്റെ വിവേചനത്തെക്കുറിച്ച് ലേഖനമെഴുതിയ വിദ്യാര്‍ത്ഥിയെ അറസ്റ്റു ചെയ്ത് പൊലീസ്. ദല്‍ഹിയിലെ ജവഹര്‍ലാല്‍ നെഹ്‌റു കേന്ദ്ര സര്‍വകലാശാലയിലെ ഗവേഷക വിദ്യാര്‍ത്ഥിയായ ചിങ്കിസ് ഖാനെയാണ് പൊലീസ് രാജ്യദ്രോഹ കുറ്റം ചുമത്തി അറസ്റ്റു ചെയ്തത്.
മണിപൂരിലെ പ്രാദേശിക പത്രത്തില്‍ ‘Political ploy to push Muslims into marginalization’ എന്ന തലക്കെട്ടില്‍ ലേഖനമെഴുതിയതിനാണ് ചിങ്കിസ് ഖാനെ അറസ്റ്റു ചെയ്തത്. സംസ്ഥാനത്തെ പങ്കല്‍ മുസ്‌ലിങ്ങളോട് സംസ്ഥാനം വിവേചനം കാണിക്കുന്നുവെന്നാണ് ലേഖനത്തില്‍ പറയുന്നത്.
