ന്യൂദല്‍ഹി: വരയന്‍ ഉടുപ്പുകള്‍ എക്കാലത്തെയും ഹിറ്റ് ഫാഷനാണ്. ഇക്കഴിഞ്ഞ ദല്‍ഹി സ്പ്രിങ്ങ് സമ്മര്‍ ഫാഷന്‍ ഷോയിലും താരം സ്‌ട്രൈപ്പ്/ വരയന്‍ കുപ്പായങ്ങള്‍ തന്നെയായിരുന്നു.
“പല തരം സ്‌ട്രൈപ്‌സ് വച്ച് ഡിസൈന്‍ ചെയ്യുമ്പോള്‍ ടെക്‌നി കളര്‍ ബാറുകളുള്ള വിന്റേജ് ടി.വികളെ ഓര്‍മ്മ വരും. ഇത് അറുപതുകളിലെ പ്രധാന ട്രെന്‍ഡായിരുന്നു. ബീച്ച് ചെയറുകളെ ഓര്‍മ്മിപ്പിക്കും ഈ ഡിസൈനുകള്‍” സ്റ്റൈലിസ്റ്റ് ഇഷ ബന്‍സാലി പറയുന്നു.
ബ്ലോക്ക് സ്‌ട്രൈപ്പുകള്‍ ധരിക്കുന്നത് തടി കുറച്ച് കാണിക്കുവാന്‍ സഹായിക്കും.മാത്രമല്ല ഇത് പുരുഷന്മാര്‍ക്കും സ്ത്രീകള്‍ക്കും ഒരു പോലെ ചേരുന്നവയാണ്.
ബ്ലോക്ക് സ്‌ട്രൈപ്പില്‍ പല നിറങ്ങള്‍ കൊടുത്ത് കൊണ്ടുള്ള ഡിസൈനുകള്‍ക്കാണ് ഇന്ന് ആവശ്യക്കാര്‍ ഏറെ എന്ന് ഡിസൈനര്‍മാര്‍ പറയുന്നു.