അമര്‍ കൗശിക്കിന്റെ സംവിധാനത്തില്‍ 2018ല്‍ പുറത്തിറങ്ങിയ ചിത്രമായിരുന്നു ‘സ്ത്രീ’. ശ്രദ്ധ കപൂറും രാജ്കുമാര്‍ റാവുവും ഒന്നിച്ച ചിത്രം കോമഡി ഹൊറര്‍ ഴോണറില്‍ ഉള്‍പ്പെട്ടതായിരുന്നു. ശ്രദ്ധക്കും രാജ്കുമാര്‍ റാവുവിനും പുറമെ പങ്കജ് ത്രിപാഠി, അപര്‍ശക്തി ഖുറാന, അഭിഷേക് ബാനര്‍ജി, ഫ്‌ലോറ സൈനി എന്നിവരും ചിത്രത്തില്‍ പ്രധാനവേഷത്തില്‍ എത്തിയിരുന്നു.
23 മുതല്‍ 25 കോടി വരെ ബജറ്റില്‍ ഒരുങ്ങിയ ‘സ്ത്രീ’ ബോക്സ് ഓഫീസില്‍ നിന്ന് 180 കോടിയിലധികം കളക്ഷന്‍ സ്വന്തമാക്കിയിരുന്നു. ഇപ്പോള്‍ ഈ ചിത്രത്തിന്റെ രണ്ടാം ഭാഗത്തിനുള്ള കാത്തിരിപ്പിലാണ് സിനിമാപ്രേമികള്‍. ഈയിടെയായിരുന്നു ‘സ്ത്രീ 2’വിന്റെ ട്രെയ്‌ലര്‍ പുറത്തു വന്നത്. ശ്രദ്ധ കപൂറും രാജ്കുമാര്‍ റാവുവും തന്നെയാണ് ഈ സിനിമയിലും ഒന്നിക്കുന്നത്.
മഡൊക്ക് സൂപ്പര്‍നാച്ചുറല്‍ യൂണിവേഴ്സിലെ അഞ്ചാമത്തെ ചിത്രമാണ് ‘സ്ത്രീ 2’. പങ്കജ് ത്രിപാഠി, അപര്‍ശക്തി ഖുറാന, അഭിഷേക് ബാനര്‍ജി എന്നിവര്‍ക്ക് പുറമെ തമന്ന, അക്ഷയ് കുമാര്‍, വരുണ്‍ ധവാന്‍ എന്നിവര്‍ സിനിമയില്‍ അതിഥി വേഷങ്ങളില്‍ എത്തുന്നുണ്ട്. ഓഗസ്റ്റ് 15നാണ് ‘സ്ത്രീ 2’ തിയേറ്ററില്‍ എത്തുന്നത്.
Content Highlight: Stree2 Movie Poster And Stranger Things2 Poster Similarities