സൗദിയുടെ അവസാന ഗോള്‍ തുണയായി, പോളണ്ട് പ്രീക്വാര്‍ട്ടറില്‍; റൗണ്ട് ഓഫ് 16ല്‍ അര്‍ജന്റീനയുടെ എതിരാളി ഓസ്‌ട്രേലിയ
സ്പോര്‍ട്സ് ഡെസ്‌ക്
Thursday, 1st December 2022, 3:04 am
ഗ്രൂപ്പ് സിയില്‍ നിര്‍ണായക മത്സരത്തില്‍ അര്‍ജന്റീനയോട് തോറ്റെങ്കിലും ലെവന്‍ഡോസ്‌കിയുടെ പോളണ്ട് പ്രീക്വാര്‍ട്ടറില്‍. ഒരു വിജയവും ഒരു സമനിലയും ഒരു തോല്‍വിയുമുള്ള പോളണ്ടിന് 4 പോയിന്റാണുള്ളത്.
ഗ്രൂപ്പില്‍ ഇതേ പോയിന്റുള്ള മെക്‌സിക്കോയെ ഗോള്‍ ശരാശരിയുടെ വ്യത്യാസത്തില്‍ പിന്നിലാക്കിയാണ് പോളിഷ് പടയുടെ പ്രീക്വാര്‍ട്ടര്‍ പ്രവേശനം.
സൗദി അറേബ്യയുമായുള്ള അവസാന മത്സരത്തില്‍ 2-0ന് മുന്നില്‍ നിന്ന ശേഷം അവസാനം ഗോള്‍ വഴങ്ങിയതാണ് മെക്‌സിക്കോയ്ക്ക് വിനയായത്.
ആദ്യ മത്സരത്തില്‍ സൗദിയോട് തോറ്റുതുടങ്ങിയ അര്‍ജന്റീന അവസാന രണ്ട് മത്സരങ്ങളും ആധികാരികമായി വിജയിച്ച് ഗ്രൂപ്പ് ചാമ്പ്യന്‍മാരായാണ് പ്രീക്വാര്‍ട്ടറില്‍ പ്രവേശിച്ചത്.
Messi and Lewandowski during the match 👀 pic.twitter.com/ya74UA1fIi
— ESPN FC (@ESPNFC) November 30, 2022
