ക്വാര്‍ട്ടര്‍ ഫൈനലുകള്‍ പൂര്‍ത്തിയായതോടെ ഖത്തര്‍ ലോകകപ്പിന്റെ സെമി ചിത്രം തെളിഞ്ഞിരിക്കുകായണ്. ഇതോടെ രണ്ട് സെമിയും ലൂസേഴ്‌സ് ഫൈനലും, ഫൈനലും അടക്കം ഇനി നാല് കളികള്‍ മാത്രമായി ചുരുങ്ങിയിരിക്കുകയാണ് ഖത്തര്‍ ലോകകപ്പ്.
നിലവിലെ ചാമ്പ്യന്മാരായ ഫ്രാന്‍സ്, മുന്‍ ചാമ്പ്യന്മാരായ അര്‍ജന്റീന, കഴിഞ്ഞ തവണത്തെ ഫൈനലിസ്റ്റുകളായ ക്രൊയേഷ്യ, ആദ്യമായി സെമിയിലെത്തുന്ന ആഫ്രിക്കന്‍ രാജ്യമായ മൊറൊക്കൊ എന്നിവരാണ് അവസാന നാലില്‍ ഇടം പിടിച്ചിരിക്കുന്നത്.
ഫിഫാ റാങ്കിങ്ങില്‍ മൂന്നാമതാണ് അര്‍ജന്റീന. നിലവിലെ ചാമ്പ്യന്മാരായ ഫ്രാന്‍സ് നാലാമതാണ്. ക്രൊയേഷ്യ 12ഉം മൊറോക്കൊ 22ഉം സ്ഥാനത്താണ്.
The semi-finals are set 🔥 pic.twitter.com/yHDIKlyCDf
— GOAL (@goal) December 10, 2022
സെമയിലെത്തിയ ഫ്രാന്‍സും അര്‍ജന്റീനയും ഗ്രൂപ്പ് ഘട്ടത്തില്‍ ഓരോ മത്സരങ്ങള്‍ തോറ്റിരുന്നു. ഗ്രൂപ്പിലെ ആദ്യ മത്സരത്തില്‍ അര്‍ജന്റീന സൗദിയോടും, ഗ്രൂപ്പിലെ തങ്ങളുടെ അവസാന മത്സരത്തില്‍ ഫ്രാന്‍സ് ടുണീഷ്യയോടുമായിരുന്നു പരാജയപ്പെട്ടത്.
