ഓണം റിലീസായി എത്തി വലിയ ഹിറ്റായ മലയാള ചിത്രമാണ് ആര്‍.ഡി.എക്‌സ്. റിലീസ് ദിവസം മുതല്‍ തന്നെ വന്‍ ഹിറ്റായിരുന്നു ചിത്രത്തിലെ ‘നീല നിലവേ’ എന്ന ഗാനവും. സാം സി.എസ്. മ്യൂസിക്ക് ഒരുക്കിയ ഗാനത്തിന്റെ വരികളൊരുക്കിയിരിക്കുന്നത് മനു മന്‍ജിത്തും ആലപിച്ചിരിക്കുന്നത് കപില്‍ കപിലനുമാണ്.
യൂട്യൂബില്‍ ഹിറ്റ് ചാര്‍ട്ടുകളില്‍ ഇടം നേടിയ പാട്ട് റീല്‍സും സ്റ്റോറിയുമൊക്കെയായി സമൂഹ മാധ്യമങ്ങളിലും നിറഞ്ഞുകഴിഞ്ഞിരുന്നു. ഓഗസ്റ്റ് 28നാണ് ഗാനം യൂട്യൂബിലൂടെ പുറത്തുവിട്ടിരുന്നത്. ഇപ്പോഴിതാ പാട്ട് റിലീസ് ചെയ്ത് ഒരു മാസം പിന്നിടുമ്പോള്‍ 30 മില്യണ്‍ വ്യൂവിസിനോട് അടുക്കുകയാണ് അര്‍.ഡി.എക്.സിലെ പ്രണയ ഗാനം.
ഗാനം ഇപ്പോഴും യൂട്യൂബ് ട്രെന്‍ഡിങ്ങില്‍ നാലാമതാണ്. കേരളത്തിന് പുറത്തും ഗാനം ഏറ്റെടുത്തിട്ടുണ്ട്. അതുകൊണ്ട് തന്നെ അതിവേഗം തന്നെ ഗാനം 100 മില്യണ്‍ വ്യൂസ് നേടുമെന്നാണ് പ്രതീക്ഷിക്കുന്നത്. ഗാനത്തിന്റെ കൊറിയോഗ്രഫിയും ഷൈന്‍ നിഗത്തിന്റെ ഡാന്‍സും ശ്രദ്ധീക്കപ്പെട്ടിരുന്നു.
