കൊച്ചി: സംസ്ഥാന ചലച്ചിത്ര പുരസ്‌കാര നിര്‍ണയം അവസാന ഘട്ടത്തിലേക്ക്. ഇഞ്ചോടിഞ്ച് പോരാട്ടമാണ് നടക്കുന്നതെന്നാണ് റിപ്പോര്‍ട്ടുകള്‍. ഒക്ടോബര്‍ 14നാണ് അവാര്‍ഡുകള്‍ പ്രഖ്യാപിക്കുക. അവസാന റൗണ്ടിലെത്തിയ സിനിമകള്‍ വിലയിരുത്തുന്ന തിരക്കിലാണ് ജൂറി അംഗങ്ങള്‍.
119 സിനിമകളാണ് മത്സരത്തിനുള്ളത്. സൂപ്പര്‍ താരങ്ങളുടെ ബിഗ് ബജറ്റ് ചിത്രങ്ങളും വന്‍ വിജയം നേടിയ നവാഗതരുടെ ചിത്രങ്ങളും ലോ ബജറ്റ് ചിത്രങ്ങളും തുടങ്ങി കഥയിലും മേക്കിംഗിലും വ്യത്യസ്തമായ അനുഭവം നല്‍കുന്ന സിനിമകള്‍ ഇക്കൂട്ടത്തിലുണ്ട്. അന്താരാഷ്ട്രതലത്തില്‍ വരെ ശ്രദ്ധ നേടിയ നിരവധി മലയാള ചിത്രങ്ങള്‍ വന്ന വര്‍ഷമായിരുന്നു 2019. മലയാള സിനിമാമേഖല മികച്ച പരീക്ഷണ വിജയങ്ങള്‍ കണ്ട വര്‍ഷം കൂടിയായിരുന്നു കഴിഞ്ഞ വര്‍ഷം. അതിനാല്‍ തന്നെ ഇപ്രാവശ്യം അവാര്‍ഡ് നിര്‍ണയം കടുകട്ടിയാകുമെന്നാണ് സൂചനകള്‍.
ഛായാഗ്രാഹകനും സംവിധായകനുമായ മധു അമ്പാട്ടാണ് ജൂറി ചെയര്‍മാന്‍. സംവിധായകരായ സലിം അഹമ്മദ്, എബ്രിഡ് ഷൈന്‍, ഛായാഗ്രാഹകന്‍ വിപിന്‍ മോഹന്‍, എഡിറ്റര്‍ എല്‍.ഭൂമിനാഥന്‍, സൗണ്ട് എന്‍ജിനീയര്‍ എസ്.രാധാകൃഷ്ണന്‍, പിന്നണി ഗായിക ലതിക, നടി ജോമോള്‍, എഴുത്തുകാരന്‍ ബെന്യാമിന്‍, ചലച്ചിത്ര അക്കാദമി സെക്രട്ടറി സി.അജോയ് (മെംബര്‍ സെക്രട്ടറി) എന്നിവരാണ് മറ്റു ജൂറി അംഗങ്ങള്‍.
മോഹന്‍ലാലിന്റെ പ്രിയദര്‍ശന്‍ ചിത്രം മരക്കാര്‍ അറബിക്കടലിന്റെ സിംഹം, പൃഥ്വിരാജ് സംവിധാനം ചെയ്ത ലൂസിഫര്‍, മമ്മൂട്ടിയുടെ എം.പത്മകുമാര്‍ ചിത്രം മാമാങ്കം എന്നിവയാണ് മത്സരത്തിനുള്ള ബിഗ് ബജറ്റ് സൂപ്പര്‍താര ചിത്രങ്ങള്‍. അതേസമയം മോഹന്‍ലാലിന്റെ ഇട്ടിമാണി മെയ്ഡ ഇന്‍ ചൈനയും മമ്മൂട്ടിയുടെ ഉണ്ടയും (ഖാലിദ് റഹ്മാന്‍) പതിനെട്ടാം പടിയും (ശങ്കര്‍ രാമകൃഷ്ണന്‍) മത്സരത്തിനുണ്ട്.
വമ്പന്‍ ചിത്രങ്ങളേക്കാള്‍ മലയാളത്തില്‍ ഏറെ ശ്രദ്ധേയമായ മുന്നേറ്റം നടത്തിയ ചെറിയ ബജറ്റ് ചിത്രങ്ങള്‍ അവാര്‍ഡുകള്‍ വാരിക്കൂട്ടാനുള്ള സാധ്യതകളാണ് പൊതുവെ എല്ലാവരും ചൂണ്ടിക്കാണിക്കുന്നത്. അന്താരാഷ്ട്ര പുരസ്‌കാരങ്ങള്‍ നേടിയ മൂത്തോന്‍, ജല്ലിക്കട്ട്, ബിരിയാണി, വെയില്‍മരങ്ങള്‍ തുടങ്ങിയ ചിത്രങ്ങളും കുമ്പളങ്ങി നൈറ്റ്‌സ്, ഉണ്ട, തണ്ണീര്‍മത്തന്‍ ദിനങ്ങള്‍ തുടങ്ങി പുതുമ നിറഞ്ഞ അനുഭവവും തിയറ്റര്‍ വിജയയവും നേടിയ ചിത്രങ്ങളുമെല്ലാം സാധ്യതപ്പട്ടികയിലുണ്ട്.
ചലച്ചിത്ര അക്കാദമി ചെയര്‍മാന്‍ കമലിന്റെ ചിത്രം മത്സരത്തിനില്ലെങ്കിലും മകന്‍ ജെനൂസ് സംവിധാനം ചെയത് 9 എന്ന ചിത്രം മത്സരത്തിനുണ്ട്. ഇത് നിയമലംഘനമാണെന്ന് ചൂണ്ടിക്കാട്ടി ഒരു കൂട്ടം ചലച്ചിത്ര പ്രവര്‍ത്തകര്‍ രംഗത്തെത്തിയിരുന്നു. എന്നാല്‍ 9 ന്റെ നിര്‍മ്മാതാവായ പൃഥ്വിരാജാണ് ചിത്രം സമര്‍പ്പിച്ചിരിക്കുന്നതെന്നും സംഭവത്തില്‍ നിയമവിരുദ്ധമായി ഒന്നും തന്നെയില്ലെന്നുമായിരുന്നു കമലിന്റെ പ്രതികരണം.
അവാര്‍ഡിനു മത്സരിക്കുന്ന ചിത്രങ്ങളും സംവിധായകരും
തണ്ണീര്‍മത്തന്‍ ദിനങ്ങള്‍ (എ.ഡി.ഗിരീഷ്) കുമ്പളങ്ങി നൈറ്റ്‌സ് (മധു സി.നാരായണന്‍) ജല്ലിക്കട്ട് (ലിജോ ജോസ് പെല്ലിശേരി) വൈറസ് (ആഷിഖ് അബു) വെയില്‍മരങ്ങള്‍ (ഡോ.ബിജു) കോളാമ്പി (ടി.കെ.രാജീവ് കുമാര്‍) പ്രതി പൂവന്‍കോഴി (റോഷന്‍ ആന്‍ഡ്രൂസ്)ഉയരെ(മനു അശോകന്‍)ആന്‍ഡ്രോയ്ഡ് കുഞ്ഞപ്പന്‍ (രതീഷ് പൊതുവാള്‍)അമ്പിളി (ജോണ്‍ പോള്‍ ജോര്‍ജ്) ഡ്രൈവിങ് ലൈസന്‍സ് (ജീന്‍ പോള്‍ ലാല്‍) തെളിവ്(എം.എ.നിഷാദ്) ജലസമാധി(വേണു നായര്‍) ഗ്രാമവൃക്ഷത്തിലെ കുയില്‍ (കെ.പി.കുമാരന്‍) ഫൈനല്‍സ് (പി.ആര്‍.അരുണ്‍) അതിരന്‍(വിവേക് തോമസ് വര്‍ഗീസ്) പൊറിഞ്ചു മറിയം ജോസ് (ജോഷി) വികൃതി (എം.സി.ജോസഫ്) ഹാസ്യം (ജയരാജ്) മൂത്തോന്‍(ഗീതു മോഹന്‍ദാസ്) സ്റ്റാന്‍ഡ് അപ്പ് (വിധു വിന്‍സന്റ്) താക്കോല്‍(കിരണ്‍ പ്രഭാകരന്‍) സത്യം പറഞ്ഞാല്‍ വിശ്വസിക്കുമോ (ജി.പ്രജിത്) കെഞ്ചീര (മനോജ് കാന) അഭിമാനിനി (എം.ജി.ശശി) കള്ളനോട്ടം (രാഹുല്‍ റിജി നായര്‍) ബിരിയാണി (സജിന്‍ ബാബു) ഇഷ്‌ക്(അനുരാജ് മനോഹര്‍) തൊട്ടപ്പന്‍(ഷാനവാസ് കെ.ബാവക്കുട്ടി), ലൂസിഫര്‍ (പൃഥ്വരാജ്), ഉണ്ട (ഖാലിദ് റഹ്മാന്‍), മാമാങ്കം (എം.പത്മകുമാര്‍), മരക്കാര്‍ (പ്രിയദര്‍ശന്‍)
ചാച്ചാജി(എം.ഹാജാ മൊയ്‌നു) തുരീയം (ജിതിന്‍ കുമ്പുക്കാട്ട്) തി.മി.രം(ശിവറാം മണി) സ്വനാശം(പ്രിജുകുമാര്‍ ഹൃദയ് ആയൂഷ്) ഇടം(ജയ ജോസ് രാജ്) രക്ത സാക്ഷ്യം(ബിജുലാല്‍) കാറ്റ് കടല്‍ അതിരുകള്‍(സമദ് മങ്കട) മൊഹബത്തിന്‍ കുഞ്ഞബ്ദുള്ള(ഷാനു സമദ്) സ്ത്രീ സ്ത്രീ(ആര്‍.ശ്രീനിവാസന്‍) വിശുദ്ധ പുസ്തകം(ഷാബു ഉസ്മാന്‍ കോന്നി) ഹൃദ്യം(കെ.സി.ബിനു) എന്റെ സത്യാന്വേഷണ പരീക്ഷകള്‍(കുക്കു സുരേന്ദ്രന്‍) വിശുദ്ധ രാത്രികള്‍(ഡോ.എസ്.സുനില്‍) സ്വര്‍ണ മത്സ്യങ്ങള്‍(ജി.എസ്.പ്രദീപ്) ജൂണ്‍(അഹമ്മദ് കബീര്‍) കാടോരം(മുഹമ്മദ് സജില്‍) പ്രേമിക(സജീവ് കിളികുലം) ബിലാത്തിക്കുഴല്‍(എ.കെ.വിനു) വാസന്തി(റഹ്മാന്‍ ബ്രദേഴ്‌സ്) നീയും ഞാനും(എ.കെ.സാജന്‍) സമയ യാത്ര(വിതുര സുധാകരന്‍) നാന്‍ പെറ്റ മകന്‍(സജി എസ്.പാലമേല്‍) വേലത്താന്‍(കരിമാടി രാജേന്ദ്രന്‍) ട്രിപ്പ്(അന്‍വര്‍ അബ്ദുള്ള,എം.ആര്‍.ഉണ്ണി) എടക്കാട് ബറ്റാലിയന്‍(സ്വപ്‌നേഷ് കെ.നായര്‍) കുട്ടിയപ്പനും ദൈവദൂതരും(ഗോകുല്‍ ഹരിഹരന്‍)
എ.ഫോര്‍ ആപ്പിള്‍(മധു എസ്.കുമാര്‍,ശ്രീകുമാര്‍) എവിടെ(കെ.കെ.രാജീവ്) സമന്വയം (പി.പി.ഗോവിന്ദന്‍)ഫോര്‍ട്ടി വണ്‍(ലാല്‍ ജോസ്)മാര്‍ജാര ഒരു കല്ലുവച്ച നുണ(രാകേഷ് ബാല) വരി ദ സെന്റന്‍സ്(ശ്രീജിത്ത് പൊയില്‍ക്കാവ്) തമാശ(അഷ്‌റഫ് ഹംസ) രമേശന്‍ ഒരു പേരല്ല(സുജിത് വിഘ്‌നേശ്വര്‍) മരണം ദുര്‍ബലം(വിജയന്‍ ബാലകൃഷ്ണന്‍) ലോനപ്പന്റെ മാമ്മോദീസ(ലിയോ തദേവൂസ്) ആത്മവിദ്യാലയം(ഡോ.ചുങ്കത്ത്) ഒരു പക്കാ നാടന്‍ പ്രേമം(വിനോദ് നെട്ടതാന്നി) പി.കെ.റോസി(ശശി നടുക്കാട്) കമല(രഞ്ജിത് ശങ്കര്‍) കോടതി സമക്ഷം ബാലന്‍ വക്കീല്‍(ബി ഉണ്ണികൃഷ്ണന്‍) മൂന്നാം പ്രളയം(രതീഷ് രാജു) വകതിരിവ്(കെ.കെ.മുഹമ്മദ് അലി) മൈ ലക്കി നമ്പര്‍ ഈസ് ബ്ലാക്ക്(ആത്മബോധ്) ഇരുട്ട്(സതീഷ് ബാബുസേനന്‍,സന്തോഷ് ബാബു സേനന്‍) ശ്യാമരാഗം(സേതു എയ്യാല്‍) വൃത്താകൃതിയിലുള്ള ചതുരം(ആര്‍.കെ.കൃഷാന്ദ്,ഗീതാഞ്ജലി)
ഓടുന്നോന്‍(കെ.വി.നൗഷാദ്) റണ്‍ കല്യാണി(ജെ.ഗീത) കക്ഷി അമ്മിണിപ്പിള്ള(ദിന്‍ജിത് അയ്യാതന്‍) കാക്കപ്പൊന്ന്(ദിനേശ് ഗോപാല്‍)മാര്‍ച്ച് രണ്ടാം വ്യാഴം(ജഹാംഗീര്‍ ഉമ്മര്‍) മുന്തിരി മൊഞ്ചന്‍(കെ.പി.വിജിത്) കാറ്റിനരികെ(റോയ് ജോസഫ് കാരക്കാട്ട്) കോഴിപ്പോര്(ജിനോയ് ജനാര്‍ദനന്‍) മൗനാക്ഷരങ്ങള്‍(ദേവദാസ് കല്ലുരുട്ടി) ലെസണ്‍സ്(നാലു സംവിധായകര്‍) കെട്ട്യോളാണ് എന്റെ മാലാഖ(നിസാം ബഷീര്‍) ചെറിയ ചെറിയ വലിയ കാര്യങ്ങള്‍(രവീന്ദ്രനാഥ്) ചങ്ങായി (സുദേഷ് കുമാര്‍) സൈറയും ഞാനും (കെ.എസ്.ധര്‍മരാജന്‍) പുള്ള്(റിയാസ്,പ്രവീണ്‍) ലൂക്ക (അരുണ്‍ ബോസ്) ഒരു വടക്കന്‍ പെണ്ണ്(ഇര്‍ഷാദ് ഹമീദ്) സമീര്‍(റഷീദ് പാറയ്ക്കല്‍) സെയ്ഫ്(പ്രദീപ് കളിപ്പുറയത്ത്) കണ്‍ഫഷന്‍സ് ഓഫ് എ കുക്കു(ജയ് ജിതിന്‍ പ്രകാശ്) മുത്തശിക്കൊരു മുത്ത്(അനില്‍ കരകുളം) ബിഗ് സല്യൂട്ട്(എകെബി കുമാര്‍) ലോന (ബിജു ബര്‍ണാര്‍ഡ്)ഹെലന്‍ (മാത്തുക്കുട്ടി സേവ്യര്‍ ) പട്ടാഭിരാമന്‍(കണ്ണന്‍ താമരക്കുളം)കലാമണ്ഡലം ഹൈദരാലി(കിരണ്‍ ജി.നാഥ്) ഒരു ദേശവിശേഷം(എം.ആര്‍.നാരായണന്‍) സാക്ഷി(സൂര്യ സുന്ദര്‍) കറുപ്പ് (ടി.ദീപേഷ്) സുല്ല്(വിഷ്ണു ഭരദ്വാജ്) നാനി(സംവിദ് ആനന്ദ്) ഒറ്റച്ചോദ്യം(അനീഷ് ഉറുമ്പില്‍).
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlight: State Film Awards on will be announced on October 14