അടുത്ത തവണ കത്തെഴുതുമ്പോള്‍ ശരിയായ വിലാസത്തില്‍ എഴുതണം; ആംആദ്മിയോട് സിദ്ദു
ഡൂള്‍ന്യൂസ് ഡെസ്‌ക്
Sunday, 15th August 2021, 9:34 pm
ന്യൂദല്‍ഹി: ആംആദ്മിക്കതെിരെ പരോക്ഷ വിമര്‍ശനവുമായി പഞ്ചാബ് കോണ്‍ഗ്രസ് അധ്യക്ഷന്‍ നവ്‌ജ്യോത് സിംഗ് സിദ്ദു.
ആംആദ്മിയില്‍ തന്നെ എത്തിക്കാന്‍ ചില പാര്‍ട്ടി നേതാക്കള്‍ ശ്രമിക്കുകയാണെന്ന് സിദ്ദു പറഞ്ഞു. ആം ആദ്മി പാര്‍ട്ടിയുടെ പേര് പരാമര്‍ശിക്കാതെയായിരുന്നു വിമര്‍ശനം.
‘നിങ്ങള്‍ മടിയില്‍ കസേരയിട്ട് സിദ്ദുവിന് പിന്നാലെയായിരുന്നു. നിങ്ങള്‍ എന്റെ വീട്ടില്‍ വന്ന് എന്നോട് ചോദിച്ചു, സിദ്ദു സാഹിബേ, നിങ്ങള്‍ക്ക് വേണ്ടി ഞങ്ങള്‍ എന്തുചെയ്യണം?’ ആം ആദ്മി പാര്‍ട്ടിയുടെ പേര് പറയാതെ സിദ്ദു പറഞ്ഞു.
അടുത്തതവണ കത്തെഴുതുമ്പോള്‍ കത്ത് ‘ശരിയായ വിലാസത്തിലേക്ക്’ അയയ്ക്കണമെന്ന് ആം ആദ്മിയുടെ അവകാശവാദത്തിന് മറുപടിയായി സിദ്ദു പറഞ്ഞു.
