'പറയൂ അര്‍ണബ് നിങ്ങള്‍ ഒരു ഭീരുവാണോ അതോ ഒരു മാധ്യമ പ്രവര്‍ത്തകനോ?'; വിമാനത്തില്‍വെച്ച് അര്‍ണബിനോട് ചോദ്യങ്ങള്‍ ചോദിച്ച് കൊമേഡിയന്‍ കുനാല്‍ കമ്ര
ഡൂള്‍ന്യൂസ് ഡെസ്‌ക്
Tuesday, 28th January 2020, 8:37 pm
ന്യൂദല്‍ഹി: വിമാനത്തില്‍ യാദൃഛികമായി കണ്ടു മുട്ടിയ മാധ്യമപ്രവര്‍ത്തകന്‍ അര്‍ണബ് ഗോസ്വാമിയോട് ചോദ്യങ്ങള്‍ ചോദിച്ച് സ്റ്റാന്‍ഡ് അപ് കൊമേഡിയന്‍ കുനാല്‍ കമ്ര. നിങ്ങള്‍ ഒരു ഭീരുവാണോ, മാധ്യമപ്രവര്‍ത്തകനാണോ, അതോ നിങ്ങളൊരു ദേശീയവാദിയാണോ എന്ന് പ്രേക്ഷകര്‍ക്ക് അറിയണമെന്നായിരുന്നു കുനാല്‍ കമ്രയുടെ ചോദ്യം. കുനാല്‍ കമ്ര തന്നെ പോസ്റ്റ് ചെയ്ത ട്വിറ്റര്‍ വീഡിയോയിലാണ് ആണ് ദൃശ്യങ്ങള്‍ ഉള്ളത്.
ഇതിനോടകം നിരവധി പേര്‍ കണ്ട വീഡിയോയില്‍ വിമാനത്തില്‍ വെച്ചു കണ്ടുമുട്ടിയ അര്‍ണബ് തന്റെ ചോദ്യങ്ങള്‍ക്ക് മറുപടി നല്‍കുന്നില്ലെന്നും കുനാല്‍ കമ്ര പറയുന്നുണ്ട്. തുടര്‍ച്ചയായി അര്‍ണാബിനെ ഭീരുവെന്ന് വിളിക്കുന്ന കമ്ര ഈ ചോദ്യങ്ങള്‍ ചോദിക്കുന്നത് രോഹിതിന്റെ അമ്മയ്ക്കു വേണ്ടിയാണെന്നും പറയുന്നുണ്ട്.
