ശ്രീറാം വെങ്കിട്ടരാമന് പുതിയ ചുമതല; നിയമനം ആരോഗ്യവകുപ്പില്‍
ഡൂള്‍ന്യൂസ് ഡെസ്‌ക്
Friday, 9th July 2021, 10:55 pm
തിരുവനന്തപുരം: മാധ്യമ പ്രവര്‍ത്തകന്‍ കെ.എം. ബഷീറിനെ കാറിടിച്ചു കൊലപ്പെടുത്തിയ കേസിലെ പ്രതിയായ ഡോ. ശ്രീറാം വെങ്കിട്ടരാമന് ഐ.എ.എസിന് പുതിയ ചുമതല.
ആരോഗ്യവകുപ്പിലാണ് പുതിയ നിയമനം. വകുപ്പിലെ കൊവിഡ് ഡാറ്റാ മാനേജ്‌മെന്റില്‍ നോഡല്‍ ഓഫീസറായാണ് ശ്രീറാമിനെ നിയമിച്ചിരിക്കുന്നത്.
സംസ്ഥാനത്തെ കൊവിഡ് കണക്കുകള്‍ ഏകോപിപ്പിക്കാനാണ് നോഡല്‍ ഓഫീസറെ ചുമതലപ്പെടുത്തിയിരിക്കുന്നത്.
കൊവിഡിന്റെ മൂന്നാം തരംഗം മുന്നില്‍ കണ്ടാണ് സര്‍ക്കാരിന്റെ നടപടി. കഴിഞ്ഞ വര്‍ഷം മാര്‍ച്ചിലാണ് ശ്രീറാം വെങ്കിട്ടറാമിനെ സര്‍വീസില്‍ തിരികെയെടുത്തത്.
