ഡൂള്‍ന്യൂസ് ഡെസ്‌ക്1 min
ലോകകപ്പില്‍ ഇന്ന് സൗത്ത് ആഫ്രിക്കയും ശ്രീലങ്കയും തമ്മില്‍ ഏറ്റുമുട്ടിക്കൊണ്ടിരിക്കുകയാണ്. ന്യൂയോര്‍ക്കിലെ നസാവു കൗണ്ടി ക്രിക്കറ്റ് സ്‌റ്റേഡിയത്തില്‍ ടോസ് നേടിയ ലങ്ക ബാറ്റിങ്ങാണ് തെരഞ്ഞെടുത്തത്. എന്നാല്‍ തുടക്കം തന്നെ വമ്പന്‍ ബാറ്റിങ് തകര്‍ച്ചയാണ് ടീമിന് നേരിടേണ്ടി വന്നത്. ഇതോടെ 19.1 ഓവറില്‍ വെറും 77 റണ്‍സിന് ലങ്ക തകര്‍ന്നടിയുകയായിരുന്നു.
SRI LANKA BOWLED OUT FOR JUST 77 RUNS AGAINST SOUTH AFRICA 🌟
– Lowest Score in Sri Lanka T20 World Cup history. pic.twitter.com/uuvf7mGhOZ
— Johns. (@CricCrazyJohns) June 3, 2024
ഇതോടെ ഇന്റര്‍നാഷണല്‍ ടി-20യില്‍ ശ്രീലങ്ക നേടുന്ന ഏറ്റവും താഴ്ന്ന സ്‌കോറാണ് സൗത്ത് ആഫ്രിക്കക്കെതിരെ നേടിയത്.
ടി-20യിലെ ലങ്കയുടെ ഏറ്റവും താഴ്ന്ന സ്‌കോര്‍, എതിരാളി, വര്‍ഷം
77* – സൗത്ത് ആഫ്രിക്ക – 2024
82 – ഇന്ത്യ – 2016
87 – ഇന്ത്യ – 2017
87 – ഓസ്‌ട്രേലിയ – 2010
🟡🟢 CHANGE OF INNINGS | #SLvSA
Bowling Clinic in NYC. 🗽
The Proteas need 7️⃣8️⃣ runs to win. #WozaNawe #BePartOfIt #OutOfThisWorld #T20WorldCup pic.twitter.com/XEcIig8dHY
— Proteas Men (@ProteasMenCSA) June 3, 2024
നാല് ഓവറില്‍ വെറും ഏഴ് റണ്‍സ് വഴങ്ങി നാല് വിക്കറ്റ് നേടിയ അന്റിച്ച് നോര്‍ക്യയുടെ ഐതിഹാസികമായ ബൗളിങ് ആണ് സൗത്ത് ആഫ്രിക്കയ്ക്ക് മുതല്‍ക്കൂട്ടായത്.
അരങ്ങേറ്റക്കാരനായ ഒട്ടീനിയല്‍ ബാര്‍ട്മാന്‍ നാലുവരില്‍ ഒരു മെയ്ഡന്‍ അടക്കം 9 റണ്‍സ് വഴങ്ങി ഒരു വിക്കറ്റ് സ്വന്തമാക്കി മിന്നല്‍ പെര്‍ഫോമന്‍സ് ആണ് നടത്തിയത്. 2.25 എന്ന കിടിലന്‍ എക്കണോമിയിലാണ് താരം പന്തെറിഞ്ഞത്. കാക്കീസോ റബാദ ഒരു മെയ്ഡന്‍ അടക്കം 21 റണ്‍സ് വിട്ടുകൊടുത്ത് രണ്ട് വിക്കറ്റും സ്വന്തമാക്കി. താരത്തിന് പുറമേ കേശവ് മഹാരാജ് 22 റണ്‍സ് വഴങ്ങി രണ്ട് വിക്കറ്റും സ്വന്തമാക്കി.
🔥 Nothing but rockets. #SLvSA
Anrich Nortje with an impressive display of pace bowling! #WozaNawe #BePartOfIt #OutOfThisWorld #T20WorldCup pic.twitter.com/H4613PG2ep
— Proteas Men (@ProteasMenCSA) June 3, 2024
ഓപ്പണര്‍ പത്തും നിസങ്കയെ അരങ്ങേറ്റക്കാരന്‍ ഒട്ടീണിയല്‍ ബാര്‍ട്മാന്‍ ക്ലാസന്റെ കയ്യിലെത്തിച്ച് ലങ്കയുടെ ആദ്യ വിക്കറ്റ് നേടുകയായിരുന്നു. മൂന്ന് റണ്‍സാണ് താരം നേടിയത്. പിന്നീട് കുശാല്‍ മെന്‍ഡിസിനെ അന്റിച്ച് നോര്‍ക്യ 19 റണ്‍സിന് പറഞ്ഞയച്ചതോടെ ലങ്കയ്ക്ക് താളം പിഴക്കുകയായിരുന്നു. തുടര്‍ന്ന് ഇറങ്ങിയ കമിന്തു മെന്‍ഡിസിനെയും നോര്‍ക്യ 11 റണ്‍സിന് പറഞ്ഞയച്ചപ്പോള്‍ ക്യാപ്റ്റന്‍ ഹസരങ്കയേയും സദീര സമര വിക്രമിനേയും കേശവ് മഹാരാജ് പൂജ്യം റണ്‍സിന് തകര്‍ക്കുകയായിരുന്നു. ചരിത് അസലങ്ക ആറ് റണ്‍സിന് വീണതോടെ ടീം സമ്മര്‍ദത്തിലായി.
ദസുന്‍ സനഗക്കും റബാദയുടെ മുന്നില്‍ പിടിച്ചുനില്‍ക്കാന്‍ കഴിയാതെ വന്നപ്പോള്‍ ആഞ്ചലോ മാത്യൂസും 16 റണ്‍സിന് പുറത്തായി. ശേഷം ദസുന്‍ സനഗ (9), സതീഷ പതിരാന (0), നുവാന്‍ തുഷാര (0) എന്നിവരും മടങ്ങിയതോടെ ലങ്ക ചാരമാകുകയായിരുന്നു.
Content Highlight: Srilanka In Unwanted Record Achievement In t20 World Cup 2024
