ലങ്കക്ക് വമ്പന്‍ തിരിച്ചടി; ഏഷ്യാ കപ്പ് സ്‌ക്വാഡില്‍ സൂപ്പര്‍താരമില്ല
സ്പോര്‍ട്സ് ഡെസ്‌ക്
Tuesday, 29th August 2023, 6:49 pm
അടുത്ത ദിവസം ആരംഭിക്കുന്ന ഏഷ്യാ കപ്പിനുള്ള സ്‌ക്വാഡ് പ്രഖ്യാപിച്ച് ശ്രീലങ്ക. 15 അംഗ സ്‌ക്വാഡിനെയാണ് ലങ്ക പ്രഖ്യാപിച്ചത്. ദസുന്‍ ഷനക നയിക്കുന്ന സ്‌ക്വാഡില്‍ നാല് സുപ്രധാന താരങ്ങളില്ല.
ലെഗ് സ്പിന്നിങ് ഓള്‍റൗണ്ടര്‍ വനിന്ദു ഹസരംഗയാണ് അക്കൂട്ടിത്തില്‍ ഏറ്റവും പ്രധാനി. പരിക്ക് കാരണം താരത്തിന് ഏഷ്യാ കപ്പില്‍ പങ്കെടുക്കാനാവില്ല. ശ്രീലങ്കിയുടെ എക്‌സ് ഫാക്ടറാകാന്‍ സാധ്യതയുള്ള താരമായിരുന്നു ഹസരംഗ.
ഹസരംഗയെ കൂടാതെ പേസ് ബൗളിങ് താരങ്ങളായ ദുശമന്ത ചമീര, ലഹിരു മധുഷന്‍ക, ലഹിരു കുമാര എന്നിവരും പരിക്ക് കാരണം ടീമുലുണ്ടാകില്ല. ബിനുറ ഫെര്‍നാണ്ടോക്കും പ്രമോദ് മധുഷനും ആവസാന ഘട്ടം ടീമിലേക്ക് വിളി ലഭിച്ചു. പരിക്കേറ്റ താരങ്ങള്‍ക്ക് പകരമാണ് ഇരുവരെയും ടീമിലുള്‍പ്പെടുത്തിയത്.
