പാകിസ്ഥാന്റെ ശ്രീലങ്കന്‍ പര്യടനം തുടരുകയാണ്. രണ്ട് ടെസ്റ്റുകളടങ്ങിയ പരമ്പരയാണ് പാകിസ്ഥാന് ശ്രീലങ്കയില്‍ കളിക്കുന്നത്.
നേരത്തെ, പാകിസ്ഥാന്റെ സ്റ്റാര്‍ സ്പിന്നര്‍ യാസിര്‍ ഷാ ക്രിക്കറ്റ് ലോകത്തെ ഒന്നാകെ ഞെട്ടിച്ചിരുന്നു. ക്രിക്കറ്റ് ഇതിഹാസം ഷെയ്ന്‍ വോണിന്റെ ബോള്‍ ഓഫ് ദി സെഞ്ച്വറിക്ക് സമാനമായ രീതിയില്‍ പന്തെറിഞ്ഞ് വിക്കറ്റ് നേടിയായിരുന്നു താരം ലോകത്തെ ഒന്നാകെ ഞെട്ടിച്ചത്.
ശ്രീലങ്കന്‍ സൂപ്പര്‍ താരം കുശാല്‍ മെന്‍ഡിനെ പുറത്താക്കിയായിരുന്നു ഷാ ക്രിക്കറ്റ് ലോകത്തിന്റെ പ്രശംസയൊന്നാകെ ഏറ്റുവാങ്ങിയത്.
Ball of the Century candidate❓
Yasir Shah stunned Kusal Mendis with a stunning delivery which reminded the viewers of Shane Warne’s ‘Ball of the Century’.#SLvPAKpic.twitter.com/uMPcua7M5E
എന്നാല്‍ ഇതേ നാണയത്തില്‍ തിരിച്ചടിച്ചായിരുന്നു ശ്രീലങ്കന്‍ ബൗളര്‍ പ്രഭാത് ജയസൂര്യ പകരം വീട്ടിയത്. ക്രിക്കറ്റ് ചരിത്രത്തിലെ തന്നെ ഏറ്റവും മികച്ച ഡെലിവറികളിലൊന്നായിരുന്നു അത്. പുറത്താക്കിയതാകട്ടെ പാക് നായകന്‍ ബാബര്‍ അസമിനെയും.
രണ്ടാം ഇന്നിങ്‌സില്‍ ലങ്കന്‍ ബാറ്റര്‍മാരെല്ലാം തന്നെ ഉണര്‍ന്നുകളിച്ചിരുന്നു. ആദ്യ ഇന്നിങ്‌സിലെ പ്രകടനം ചണ്ഡിമല്‍ ആവര്‍ത്തിച്ചപ്പോള്‍ ഓപ്പണര്‍ ഒഷാദോ ഫെര്‍ണാണ്ടോയും നാലാമന്‍ കുശാല്‍ മെന്‍ഡിസും മികച്ച രീതിയില്‍ സ്‌കോര്‍ബാര്‍ഡിലേക്ക് സംഭാവന ചെയ്തു.
രണ്ടാം ഇന്നിങ്‌സില്‍ ഓപ്പണര്‍ അബ്ദുള്ള ഷഫീഖാണ് പാകിസ്ഥാന് വേണ്ടി കരുത്ത് കാട്ടിയത്. ഷഫീഖ് പുറത്താവാതെ 112 റണ്‍സെടുത്തപ്പോള്‍ മറ്റൊരു ഓപ്പണറായ ഇമാം ഉള്‍ ഹഖ് 35 റണ്‍സെടുത്ത് പുറത്തായി.
