ബുര്‍ഖ നിരോധിക്കുമെന്നും ഇസ്‌ലാമിക് സ്‌കൂളുകള്‍ അടച്ചുപൂട്ടുമെന്നും ശ്രീലങ്ക
ഡൂള്‍ന്യൂസ് ഡെസ്‌ക്
Saturday, 13th March 2021, 8:33 pm
കൊളംബോ: ശ്രീലങ്കയില്‍ ബുര്‍ഖ ധരിക്കുന്നത് നിരോധിക്കുമെന്നും ആയിരം ഇസ്‌ലാമിക് സ്‌കൂളൂകള്‍ അടച്ചുപൂട്ടുമെന്നും റിപ്പോര്‍ട്ടുകള്‍.
ദേശീയ സുരക്ഷയുടെ അടിസ്ഥാനത്തില്‍ ബുര്‍ഖ നിരോധിക്കാന്‍ മന്ത്രിസഭയുടെ അനുമതിക്കായുള്ള നടപടികള്‍ ആഗംഭിച്ചതായി പൊതു സുരക്ഷാ മന്ത്രി ശരത് വീരശേഖര ശനിയാഴ്ച വാര്‍ത്താ സമ്മേളനത്തില്‍ പറഞ്ഞു.
മതതീവ്രവാദത്തിന്റെ അടയാളമാണ് ബുര്‍ഖ എന്നാണ് മന്ത്രിയുടെ ആരോപണം.
”നമ്മുടെ ആദ്യകാലങ്ങളില്‍ മുസ്‌ലിം സ്ത്രീകളും പെണ്‍കുട്ടികളും ഒരിക്കലും ബുര്‍ഖ ധരിച്ചിരുന്നില്ല, ഇത് അടുത്തിടെ ഉണ്ടായ മതതീവ്രവാദത്തിന്റെ അടയാളമാണ്. ഞങ്ങള്‍ തീര്‍ച്ചയായും ഇത് നിരോധിക്കാന്‍ പോകുന്നു,” മന്ത്രി പറഞ്ഞു.
