അയര്‍ലാന്‍ഡിന്റെ ശ്രീലങ്കന്‍ പര്യടനത്തിലെ രണ്ടാം ടെസ്റ്റില്‍ സിംഹളരുടെ സംഹാരതാണ്ഡവം. രണ്ട് മത്സരങ്ങളടങ്ങിയ പരമ്പരയിലെ രണ്ടാം മത്സരത്തിലെ ആദ്യ ഇന്നിങ്‌സിലാണ് ലങ്ക പടുകൂറ്റന്‍ സ്‌കോര്‍ പടുത്തുയര്‍ത്തിയത്.
നേരത്തെ ടോസ് നേടിയ അയര്‍ലാന്‍ഡ് ബാറ്റിങ് തെരഞ്ഞെടുക്കുകയായിരുന്നു. ബൗളര്‍മാരുടെ ശവപ്പറമ്പായി മാറിയ ഗല്ലെ അന്താരാഷ്ട്ര സ്റ്റേഡിയത്തില്‍ 492 റണ്‍സിന്റെ ഒന്നാം ഇന്നിങ്‌സ് ടോട്ടലാണ് ഐറിഷ് പട പടുത്തുയര്‍ത്തിയത്.
പോള്‍ സ്‌റ്റെര്‍ലിങ്ങും കര്‍ട്ടിസ് കാംഫറും സെഞ്ച്വറി നേടിയപ്പോള്‍ ക്യാപ്റ്റന്‍ ആന്‍ഡ്രൂ ബാല്‍ബിര്‍ണിയും ലോര്‍കന്‍ ടക്കറും സ്‌കോറിലേക്ക് കാര്യമായി സംഭാവന ചെയ്തു.
മറുപടി ബാറ്റിങ്ങിനിറങ്ങിയ ലങ്കയും മോശമാക്കിയില്ല. 151 ഓവറുകള്‍ക്ക് ശേഷം ഇന്നിങ്‌സ് ഡിക്ലയര്‍ ചെയ്യുമ്പോള്‍ രണ്ട് ഇരട്ട സെഞ്ച്വറിയും രണ്ട് സെഞ്ച്വറിയുമടക്കം 704 റണ്‍സാണ് ലങ്ക സ്വന്തമാക്കിയത്.
ലങ്കക്കായി ഓപ്പണറായ നിഷാന്‍ മധുശങ്ക 205 റണ്‍സ് നേടിയപ്പോള്‍ ക്യാപ്റ്റന്‍ കൂടിയായ ദിമുത് കരുണരത്‌നെ 115 റണ്‍സും നേടി.
കുശാല്‍ മെന്‍ഡിസാണ് ഇരട്ട സെഞ്ച്വറിയടിച്ച മറ്റൊരു താരം. 291 പന്തില്‍ നിന്നും 245 റണ്‍സാണ് താരം നേടിയത്. 114 പന്തില്‍ സെഞ്ച്വറി പൂര്‍ത്തിയാക്കിയ ഏയ്ഞ്ചലോ മാത്യൂസും സ്‌കോര്‍ ഉയര്‍ത്തി.
🏏🔥 Leading from the front, Dimuth Karunaratne’s century sets the stage for a promising first innings!
1 more 💯 will take Dimuth Karunaratne past Tillakaratne Dilshan and Marvan Atapattu into fourth on Sri Lanka’s most hundreds chart 💪🇱🇰#SLvIRE#LionsRoarpic.twitter.com/yY8SlK0Gti
