കൊളംബോ: ശ്രീലങ്കയില്‍ പ്രതിസന്ധി രൂക്ഷമായി തന്നെ തുടരവെ ഗോതബയ രജപക്സെ- മഹിന്ദ രജപക്സെ സര്‍ക്കാരിനെതിരായ അവിശ്വാസ പ്രമേയത്തില്‍ ഒപ്പുവെച്ച് പ്രതിപക്ഷം. മുഖ്യ പ്രതിപക്ഷ സഖ്യമായ യുണൈറ്റഡ് പീപ്പിള്‍സ് ഫോഴ്സ് അഥവാ സമാഗി ജന ബലവേഗയ (എസ്.ജെ.ബി) ആണ് അവിശ്വാസ- ഇംപീച്ച്‌മെന്റ് പ്രമേയത്തില്‍ ഒപ്പുവെച്ചത്.
എസ്.ജെ.ബിയിലെ 50ഓളം അംഗങ്ങളാണ് പ്രമേയത്തില്‍ ഒപ്പുവെച്ചത്.
പ്രതിപക്ഷ നേതാവ് സജിത് പ്രേമദാസ തന്നെ ഇക്കാര്യം ട്വിറ്ററിലൂടെ പുറത്തുവിട്ടിട്ടുണ്ട്.
”മാറ്റം കാണാതെ ഞങ്ങള്‍ പിന്മാറില്ല,” എന്നായിരുന്നു പ്രമേയത്തില്‍ താന്‍ ഒപ്പുവെച്ചതിന്റെ ഫോട്ടോകള്‍ പങ്കുവെച്ച് കൊണ്ട് സജിത് പ്രേമദാസ ട്വീറ്റ് ചെയ്തത്.
WITHOUT CHANGE, WE WILL NOT STOP. @sjbsrilanka signing of No Confidence Motion & Impeachment Motion. Constitutional Amendment to abolish Executive Presidency & Repeal 20th Amendment on the way. #ForwardTogether pic.twitter.com/O8gLiqgjPV
— Sajith Premadasa (@sajithpremadasa) April 13, 2022
നിലവില്‍, കൂടുതല്‍ പ്രതിപക്ഷ പാര്‍ട്ടികള്‍ പ്രമേയത്തില്‍ ഒപ്പം ചേരാന്‍ കാത്തിരിക്കുകയാണ് എസ്.ജെ.ബി.
