അഖില്‍ എന്ന ബൈക്ക് അഭ്യാസിയുടെ വേഷത്തിലാണ് ശ്രീശാന്ത് ചിത്രത്തില്‍ എത്തുന്നത്. അഞ്ച് ബൈക്കര്‍മാരുടെ ജീവിതം പശ്ചാത്തലമാക്കിയുള്ള സിനിമയാണ് ടീം ഫൈവ്.
ക്രിക്കറ്റ് താരം ശ്രീശാന്ത് നായകനായി എത്തുന്ന ടീം ഫൈവ് എന്ന സിനിമയിലെ ആദ്യ ഗാനം പുറത്തിറക്കി. നീലശംഖുപുഷ്പമേ എന്ന ഗാനരംഗത്തില്‍ ശ്രീശാന്തും നിക്കിഗല്‍റാണിയുമാണ് അഭിനയിച്ചിരിക്കുന്നത്.
ഗാനം ആലപിച്ചിരിക്കുന്നത് ദിവ്യ എസ്.മേനോനാണ്. ബി.കെ ഹരിനാരായണന്റെ വരികള്‍ക്ക് സംഗീതം നല്‍കിയിരിക്കുന്നത് ഗോപി സുന്ദറാണ്.
അഖില്‍ എന്ന ബൈക്ക് അഭ്യാസിയുടെ വേഷത്തിലാണ് ശ്രീശാന്ത് ചിത്രത്തില്‍ എത്തുന്നത്. അഞ്ച് ബൈക്കര്‍മാരുടെ ജീവിതം പശ്ചാത്തലമാക്കിയുള്ള സിനിമയാണ് ടീം ഫൈവ്.
സൈലബസ് ആന്‍ഡ് റെഡ് കാര്‍പ്പെറ്റിന്റെ ബാനറിര്‍ രാജ് സക്കറിയാസ് നിര്‍മിക്കുന്ന ഈ ചിത്രത്തിന്റെ ഛായാഗ്രഹണം സജിത് പുരുഷനാണ് നിര്‍വഹിച്ചത്. മകരന്ദ് ദേശ്പാണ്ഡെ ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
നവാഗതനായ സുരേഷ് ഗോവിന്ദ് തിരക്കഥയെഴുതി സംവിധാനം ചെയ്യുന്ന ചിത്രത്തില്‍ ബാബു ആന്റണി, പേളി മാണി തുടങ്ങിയ താരങ്ങളും വേഷമിടുന്നത്.